MAAYO kaayo ang tumong sa Akademiyang Bisaya nga gilusad dili pa lang dugay apan kong atong hinuktokan ang dagan sa atong mga kabatan-onan karon daw igo gyud gyud nga panahon ang atong igahin alang niini.

Apan walay imposible kong maghugpong ang tanan diin kini sugdan sa tagsa-tagsa ka pamilya ang pagtudlo sa ilang mga anak og pulong nga binisaya. Pinaagi niini, dili maglisud ang mga bata pagsabot ug pagsulti sa binisaya.

Kadtong mga mahigugmaon kaayo kaayo sa bisaya hilasan makadungog niining mga Pinoy nga islang na kaayo manulti bisan gud kong bisaya kaayo ang nawong.

Dunay mga pulong nga atong gituohang nga bisaya apan dili diay, sama niining mga mosunod nga kinutlo sa pahina 17 sa "Glimpses in History of early Cebu nga sinuwat ni Professor Lina Quimat sa Cebu Historical Society, gikan sa english ngadto sa bisaya:

MGA BULAN

January-Ulalong
February-Dagangcahoy
March-Dagangbuwan
April-Quiling
May-Himbabuyan
June-Gobay
July-Hidapdapon
August-Lubodlubod
September-Canggurulsol
October-Bagyobagyo
November-Panglot nga diutay
December-Panglot nga daku
 MGA ADLAW
Monday-Tingbukad
Tuesday-Dumason
Wednesday-Ducutducut
Thursday-Bailobailo
Friday-Danghus
Saturday-Hingot-hingot
Sunday-Liguidliguid

Si Datu Sir Dr. Warfe Tupas Engracia, SCODA KGOR MD FPCR ang nikutlo sa mga kasaysayan sa mabinantayong pagtimbangtimbang ug pagsumpaysumpay ilabi na sa mga Visayang Suboanon ug ingon usab sa igsoong mga Muslim nga nakigbisog ug nagtipig sa maanindot natong kagahapon. Nga mahimong maduol ug matukma ang atong gipangsulat. Matud niya nga walay si bisan kinsa kanato nga nakasaksi sa mga nanghitabo kaniadto. Apan sa paninguha sa matag-usag-usa sa mga magsusulat atong iampo nga masulagmaan o matultulan ang kamatuoran.