Besere: Himuon nga responsabli

Tuesday, February 2, 2010

DILI gyud molabay ang adlaw nga walay mahitabong aksidente sa dalan ug ang labing pait mokalas pa kini og mga kinabuhi.

Kadaghanan sa mga aksidente sa sakyanan mao ang pagpabaya sa mga drayber. Nakita usab kining mga iresponsabli nga mga drayber nga naka-inom o hubog nga nagmaneho. Kon ikaw usa ka responsabli nga drayber bisan kon walay balaod nga magsilot niadtong mga magmaneho nga hubog dili gyud kini nimo himuon.

Have something to report? Tell us in text, photos or videos.

Angay hunahunaon sa mga drayber labi na niini mga pasaheroan nga kinabuhi sa daghan mga tawo ang ilang gidala. Sa panahon nga dunay disgrasya dili lang ra ba kay ang drayber ra ang maapektohan.

Ug daghan ang nalipay nga mipasar na ngadto sa third reading sa House of Representative ang gipalabang nga House Bill 7083 nga mao ang 'act penalizing persons driving under the influence of alcohol' nga gipangunahan nila ni Reps. Monico Puentevella, Del de Guzman, Felix Alfelor, Jr., Thelma Almario, Orlando Fua, Arnulfo Go, Neptali Gonzales ug Eduardo Zialcita.

Kini nga balaodnon kon mahingpit na nga balaod tumong niini ang pagsilot sa mga drayber nga magmaneho nga hubog o mga naka-inom og alkohol.

Apan ang tanang mga balaod dili molambo kong ang katawhan nagpabilin nga walay pagpakabana. Angay nga sugdan sa matag-usa ang kausaban aron makab-ot ang kalampusan sa gipatuman nga mga balaod.

Angay Huptan

Angay nato nga huptan kon unsa man ang atong naangkon nga trabaho karon tungod kay dili sayon nga mangita og trabaho labi na niadtong lampas na sa 30 ang pangidaron.

Lisud ang pagpangita og trabaho, sa qualification pa lang daan gawas sa edad pangitaan ka pa og pleasing personality, experience, makasulti english ug tagalog ug daghan pang uban.

Bisan sa labing ubos nga posisyon nga imong aplayan daghang mga qualification ang pangitaon, dugangan pa nga daghan kaayo ang mo-aplay alang sa usa lamang ka posisyon.

Busa, bisan unsa man kagamay sa atong trabaho karon angay nato kini nga huptan ug ampingan.