NAGBITAY sulod sa ilang panimalay ang usa ka dalagita gamit ang liston sa Sentro, Barangay Pit-os, dakbayan sa Sugbo.
Sa wala pa nagpakamatay, Si Baby Jane Geolin, 16, nagbilin kini og suwat mipasalig nga way kalabutan ang iyang uyab sa iyang pagpakamatay, apan may kalambigitan ang ilang personal nga problema sa pamilya.
Ang biktima giila nga si Baby Jane Geolin, 16, nagpuyo sa sentro, Barangay Pit os.
Sigun sa pasiuna nga inbestigasyon nila ni PO3 Romel Bancog ug mga kaubanan sa Homicide Section nagbutyag nga mibisita sa panimalay si Dave Cotap ug maoy iyang nakita sa iyang pagsulod ang biktima nga nagbitay.
Daling gidala ang biktima sa North General Hospital apan gi deklarar nga dead on arrival.
Dugang nasayran sa uyab nga magsige na ug hulga ang biktima nga siya magpakamatay tungod sa iyang kasina sa iyang
mga igsuon.
Mialigar ang dalagita nga mas gipalabi ang iyang mga igsuon ug siya pinasagdan.