Driver giluba, patay

DEAD on arrival ang usa ka wala mailang driver human giluba kagahapon mga alas 4:00 sa kadlawon sa Barangay Dayawan, lungsod sa Villanueva Misamis Oriental.

Nakita na lamang sulod sa gidrayban nga motorized sikad ang patayng lawas nga naligo sa kaugalingon nga dugo ug ubay-ubay nga samad dinunggaban sa tiyan ug likod ang naangkon niini.

Si PO3 Faisal Mamaruncat sa Villanueva Police Station nibutyag sa Sun.Star Superbalita nga gawas sa nagkadugo nga lawas, nakita usab ang sigarilyo ug lighter sa bulsa niini. Adunay nakitang identification card apan ra kaayo sa motorized sikad.

Ang pangalan nga nakabutang sa ID mao ang ngalan nga Ernesto Orbita, taga Bugo ning siyudad sa Cagayan de Oro. Dili pa kunpirmado nga mao kini ang ngalan sa biktima apan gituohang maoy pangalan niini labina giila kini sa pipila ka mga silingan.

Gidala sa Northern Mindanao Medical Center (NMMC) ang biktima apan dead on arrival nga gideklarar sa mga doktor.

Si Mamaruncat niingon nga pipila ka oras ang nilabay mitahan ang suspetsado sa pagluba nga mao si Joel Alimbuyong, 40, taga Poblacion, susamang lungsod.

Gisaysay sa suspek sa kapolisan nga gikan pa siya sa Bugo niadtong tungora ug nagpahatod paingon sa Villanueva.

Adunay nakasakay nga babaye ug giingong nanukmag kang Alimbuyong tungod sa giingong paghinol niini sa probadong parte.

Ang driver wala lamang mitagad sa lalis sa duha apan paghidangat sa Dayawan nga bahin giingong namikil kini hinungdan sa kalagot niini ug deretso nga giluba.

Hinuon kini nga kaso padayong giimbesitgahan sa kapolisan labina ang pag-ila sa tinuod nga ngalan sa biktima. (SVB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph