Lalaki milaslas sa liog
Friday, March 19, 2010
More Sections
GITUOHANG naghikog pinaagi sa paglaslas sa iyang liog ang usa ka lalaki niadtong Huwebes mga alas 10:45 sa gabii sa Puntod ning siyudad sa Cagayan de Oro.
Giila ang biktima nga mao si Eduardo Naingge, 46, sa susamang dapit.
Have something to report? Tell us in text, photos or videos.
Gibutyag sa usa sa personahe sa Northern Mindanao Medical Center (NMMC) diin gidala si Naingge nga igo lamang gihatod sa usa ka concern citizen ang biktima sa balay tambalanan.
Unang namatikdan ang biktima nga nag-inusara nga nag-inom.
Dihang hubog na si Naingge kalit lang niiining gibuak ang botelya ug maoy gigamit paglaslas sa iyang liog.
Gani nadungog pa kini nga misulting gusto na niining magpakamatay kay adunay gihambin nga problema hinungdan nga daling gibadlong ug gikuha gikan sa kamot ang botelya aron dili usabon ang iyang gihimo.
Gidala pagdali ang biktima sa NMMC ug gikatahong anaa sa talandugon nga kahimtang.
Tuod man wala gikabutyag ang problema sa biktima apan daghan ang nagtuong problema sa pamilya niini. Posibleng kalisod labina nga kanunay kining mamatikdan nga magsige og inom ug gikatahong magsige og away sa asawa.
Ning panahona, padayon pa nga giobserbahan sa mga doktor ang kahimtang sa biktima.
