LALAKI napalgang patay sud sa balay sa iyang igsuon didto sa usa ka subdivision sa Sudtongan, Barangay Basak dakbayan sa Lapu-Lapu pasado alas 11 sa udto niadtong Huwebes.
Ang biktima nga anaa sa state of decomposition mao si Joseph Sumabon, hingkod, ug igsuon ni Jawee Sumabon, tag- iya sa balay nga iyang gisak-an.
Sa pasiunang imbestigasyon sa kapulisan nasuta nga si Joseph didto nagbuy-od na sa dining area sa maong balay.
Huwebes sa buntag sa dihang usa sa mga nag-abang sa balay sa igsuon sa biktima ang mireklamo kabahin sa grabeng baho sa balay ni Jawee.
Dali kining gisusi ni Arge Enojada, gwardya, ug Edgar Gesta, maintenance crew ug ilang nasuta nga nahagba na ang lawas sa biktima samtang nanggawas na usab ang mga likido sa kalawasan niini.