Maghigala gipangluba, kritikal

Thursday, March 18, 2010

PULOS kritikal ang kondisyon sa duha ka maghigala human giluba kagahapon mga alas 3:00 sa kadlawon sa Corrales Avenue ning siyudad sa Cagayan de Oro.

Giila ang mga biktima nga mao sila si Jefferson Ganto, 25, ulitawo ug Herbie Ignacio, 24, mga molupyo sa Carmen ning siyudad.

Have something to report? Tell us in text, photos or videos.

Gikan nga nag-inom ang mga biktima sa usa ka balay kalingawan agi'g pagselebrar natawhan ni Gasnto sa Divisoria dihang nangahubog nagdesisyong manguli.

Nagbaklay lamang ang duha ka mga biktima dihang natabo sa tulo ka wala mailang mga batan-on.

Nanghanggat og sukmaga ang tulo ug tungod kay hubog man gisuklan sa duha, wala mahibaw-i nga usa sa suspetsado adunay dalang kutsilyo ug deretso nga giluba ang tiyan ni Ganto ug gilakip si Ignacio sa iyang likod nga bahin.

Dihang nagbuy-od ang mga biktima gibyaan lamang kini sa mga suspetsado ug nag-iyahay sa pagpangdagan.

Usa ka motorela driver ang nidala sa mga biktima sa Northern Mindanao Medical Center apan kritikal ang kahimtang sa duha.

Sa pagsulat ning balita gibalhin ra usab sa pribadong balay tambalanan human nahibaw-an ang hitabo sa mga hingtungdan sa biktima.

Hinuon ang kaso giatiman na sa kapolisan sa Police Station 1 (PS1) sa Divisoria. (SVB)