Magtiayon nakuhaa'g shabu
Tuesday, February 9, 2010
More Sections
NASIKOP ang magtiayon human nasapon sa buybust operation niadtong Lunes mga alas 2:30 sa hapon sa Vamenta Subdivision, Barra, lungsod sa Opol, Misamis Oriental.
Nagtingkagol sa prisuhan sa Philippine Drug Enforcement Agency (PDEA-X) ang magtiayon nga mao sila si Basir Sultan, 38, minyo, ug asawang si Rohania Mutya, 38, nagtrabaho isip sari-sari vendor.
Have something to report? Tell us in text, photos or videos.
Usa sa personahe sa PDEA nga nahinabi sa Sun.Star Superbalita nga ang magtiayon apil sa listahan sa mga traget drug personalities.
Nasikop ang duha dihang personal nga namaligya og shabu ngadto sa usa ka PDEA undercover agent. Nakuha gikan kanila ang usa ka putos nga cellophane adunay sulod shabu nga adunya gibug-aton nga 0.07 ka gramo.
Gawas niini nakuhaan pa og unom ka mga cellophane nga adunay gitouhang sulod nga shabu nga adunay gibug-aton nga 1.33 ka gramo ug usa kabuok nga ugang marijuana, usa ka kolor green nga lighter, uban sa improvised nga dagom ug unom ka aluminum foil strips.
Nagtingkagol sa prisuhan ang magtiayon ning panahona diin giandam na ang kasong supak sa balaod RA 9165.
Ang nakumpiska gikan kanila nga mga materyales sa illegal nga druga dalahon sa Philippine National Police-Crime Laboratory alang sa masusing eksamin. (SVB)
