Motorsiklo misungag sa bus

Wednesday, February 10, 2010

TALANDUGON ang kahimtang sa duha ka maghigala human nabanggaan ang gisakyang motorsiklo niadtong Martes mga alas 11:30 sa gabii sa lungsod sa Manolo Fortich, Bukidnon.

Giila ang biktima nga mao sila si Peter Ompoc, 40, minyo, kinsa driver ug backrider niining si Leopoldo Barrio, 45.

Have something to report? Tell us in text, photos or videos.

Sa gihimong pakighinabi sa Sun.Star Superbalita sa paryente sa mga biktima nasayran nga pauli na niadtong tungora ang mga biktima ug giingong mga hubog.

Tungod sa pagkalipong ni Ompoc gitabo niini ang usa ka Rural Transit Bus hinungdan sa ilang pagkasungag.

Dili mahitsura ang motorsiklo ug maayong pagkalagpot sa mga biktima.

Si Ompoc diriyot nga mogawas ang mata, dako nga samad sa nawong ang naangkon niini ug maayong pagkabali sa tiil samtang nabali usab ang tiil ni Barrio ug maayong pagkaabhak sa paa niini gawas pa sa grabeng bun-og sa lawas nga naangkon.

Matud sa paryente na tuod man walay mabasol sa aksidente labina nga ang mga biktima maoy nibangga sa bus apan posibleng kasong rekcless imprudence resulting to multiple injuries ang atubangon sa driver ning panahona kinsa anaa gikostudya sa presintuhan.

Hinuon ning panahona ang kapolisan sa Manolo Police Station padayon pa sa pagsunod sa kaso.

Samtang ang biktima nga anaa ning panahona sa Northern Mindanao Medical Center (NMMC) ang padayon pang giobserbahan ang kahimtang.