OPISYAL nang gipahibaw ni kanhi President Joseph Estrada iyang tinguha nga magpapili isip presidenti sa umaabot nga eleksyon. Ang Malacanang mi-insister nga dili pwede makadagan si Estrada human siya gihatagan og pardon sa iyang pagkakonbikto sa kasong plunder.

Nagpahibawo na usab si Senadora Loren Legarda nga magpapili pagka-bise presidenti. Dako ang posibilidad nga siya maoy himuong runningmate ni Senador Francis Escudero.

Sila si Senador Panfilo Lacson ug Senador Mar Roxas ming-atras na sa iyang tinguha nga magpresidenti apan sila si Senador Manny Villar.ug Senador Richard Gordon kursonada pa gihapon sa ilang plano nga magpresidenti.

Pagkakaron wala pay klaro kon unsay daganan ni Bise President Noli De Castro pero giisip siya nga usa sa mga presidentiables.

Si Gilbert Teodoro, ang kahilim sa depensa, mao na ang kandidato sa administrasyon sa umaabot 2010 presidential election.

Si Bayani Fernando gusto pa gihapon magpresidenti pero si Makati Mayor Jejomar Binay miatras na pod sa iyang plano apan mag-bise presidenti na siya ni Estrada.

Si Senador Noynoy Aquino magpapili sab pagka-presidenti ug iyang bise mao si Senador Mar Roxas.

Wala na modayon si Local Government Secretary Ronaldo Puno sa iyang plano nga mag-bise presidenti.

Dunay duha ka mga religious leaders sila si Mike Velarde ug Bro. Eddie Villanueva, pulos sab nangambisyon nga magpresidenti.

Wala tuod ta magkuwang og material para pagka-presidenti. Daghan sila nga gustong magpapili. Apan ang kulang dinhi mao ang kandidato pagka presidenti nga Bisaya. Kinsa man kuno kanila ang lumad nga taga Mindanao o gikan sa dapit kansang pinulongan Binisaya.

Ang taga Visayas ug Mindanao wala magkulang og material sa pagka-presidenti.

Pagkakaron sila lang si Senador Nene Pimentel Jr. ug Senador Juan Miguel Zubiri ang lumad nga taga Mindanao diha sa Senado. Apan mahuman na sab ang termino ni Pimentl sa 2010.

Human nila ni Senador Mamintal Tamanoug Senadora Santanina "Nina" Rasul wala na gyud laing Muslim nga senador.

Kon ingon ana kanunay ang dagan sa atong politika nga minus og representasyon ang taga Mindanao diha sa Senado ug sa Malacanang, magpabilin sab nga iwit kita kanunay sa kalamboan.

Mosugot lang ta nga ingon niini kanunay ang kahimtang? Lahi baya gyud
kon dunay daghan taga Mindanao nga mookopar sa Senado ug Malacanang, di ba. So, pagmata na higala.