Todina: Ayuda sa 'pobreng' pamilya
Monday, September 6, 2010
More Sections
GIPAHIBAW ni Dinky Soliman, kalihim sa Department of Social Welfare, nga dunay usa ka milyon ka pamilya ang makadawat unya og tag P1,400 matag bulan nga financial assistance.
Ang gobiyerno bag-o lang nakadawat og $400 milyones gikan sa loan sa Asian Development Bank. Gamiton kini alang sa Pantawid Pamilyang Pilipino Program.
Have something to report? Tell us in text, photos or videos.
Post your reaction to the Manila hostage crisis
Dunay gilatid nga mga requirement ang DSWD alang niadtong pamilya nga kwalipikado sa financial assistance.
Una, ang pamilya nga dunay bata nag-edad 6 ngadto sa 14 anyos kinahanglan nag-eskwela ug nakatambong 85 porsiento sa iyang kinatikbuk-ang klase; ika-duha ang inahan nga mabdos nipahigayon sa-prenatal ug postnatal care; ika-tulo, ang
ginikanan motambong sa Family Development Sessions; ika-upat, ang bata sa panimay nga nagtambong sa elementarya kinahanglan gipaubos sa deworming treatment ka-duha matag tuig, ug ang katapusan, ang bata nagpangidaron ubos sa 5 ka tuig kinahanglan nakadawat sa preventive health checkup ug vaccination.
Pinaagi sa maong program, matabangan ang nagkalisod nga pamilya pag-uswag sa ilang income ug paglambo sa panglawas sa kabataan ug sa ilang edukasyon.
Duna nay lista ang gobiyerno kon kinsa kadtong pamilya nga mahatagan og financial assistance. Gani, matod ni Soliman mas modaghan pa unya ang makadawat
sa sunod tuig.
Long over due na kining programaha. Unta kaniadto pa gipatuman sa gobiyerno.
Sa Estados Unidos, daghan sila og mga program nga maghatag og assistance niadtong naglisod, sama sa Nutrition Assistance Program ug kining Women, Infant, Children program. Busa, hayahay kaayo atong mga kaigsuonan sa America kay
giatiman pag-ayo sa gobiyerno.
Manghinaot lang ta magamit gyud sa DSWD ang kwarta diha sa insaktong katuyoan ug kadto lamang pamilya nga nagkinahanglan gyud maoy mahatagan. Kay kon sudlan gani nato og politika ang program, bulyaso gyud ang tanan.
Di ta gusto nga gamiton sa gobyerno ang "pobre" nga mga pamilya sa ilang pagpaburot sa gahom.
Awhagon sab nato ang local nga kagamhanan mo-coordinate sa DSWD aron mabahinan sab ang dakbayan sa Cagayan de Oro.
