Wala gi-uli sa bana milala og hilo

Thursday, March 18, 2010

KALISOD ug wala pag-uli sa ang bana nagtukmod sa usa ka inahan pagsuway og hunos sa kinabuhi kagahapon mga alas 6:00 sa buntag sa Consolacion ning siyudad sa Cagayan de Oro.

Giila ang biktima nga mao si Efifania (bansagon gipugngan), 54, minyo, sa susamang dapit.

Have something to report? Tell us in text, photos or videos.

Nilanding ang biktima sa Northern Mindanao Medical Center (NMMC) human nasapon sa kaugalingon nga anak niining si Erika, 20.

Sa gihimong pakighinabi sa Sun.Star Superbalita ngadto kang Erika gibutyag niini nga wala na nag-uli ang amahan niining toa nadestino sa siyudad Cebu ug wala na usab nagpadala og kwarta ngadto kanila.

Nasayran nga maglisod sila sa panginahanglan pinansyal tulo sila nagtungha gawas pa sa mga nadungog niining storya batok sa iyang amahan nga gikatahong adunay lain gikaubang babaye.

Kanunay niining namatikdan ang inahan nga problemado ug kagahapon, natingala ang biktima dihang wala migawas sa lawak ang inahan ug nakurat pag-ayo sa nakitang nagbuy-od ug wala nay panimout tupad ang botelya sa chlorox.

Walay laing makita nga rason sa pagsuway og hunos niini sa kaugalingon gawas sa kalisod ug ang wala pag-uli sa bana niini.

Hinuon luwas na ang biktima sa makuyawng kahimtang apan padayon pang giatiman sa mga doktor.