Print
Email
Comment
SubscribeNi Ernesto M. Dael
(Ika-duhang gula)
Kiniadto sa linghod pa ang atong panuigon, daan na kita nagbasa sa mga pamantalaan ug sukad kaniadto ang sulod sa nga pamantalaan kanunay gayod kining mga pagpangawat sa salapi sa atong gobiyerno. Ambot, kanus-a kaha kini mawala.
Si Sir Winston Churchill nag-ingon niadtong buhi pa siya nga "Any kind of government is good if is properly ran by its people." Nan, unsaon man nato paglambo kon ang atong gobiyerno sama niini nga gipadagan sa halos mga kawatan?
Daghang mga tawo nga atong gikahinabi bisan asang dapita kon maiadto kita sa ilang dapit ang nag-ingon nga kon nasakop pa unta kita sa Amerika, dili unta maingon niini ang atong kalisod.
Bisan gani sa pagtungha sa atong kabataan, haskang paita nga kadto lang ang mga adunahan ang dunay kahigayonan sa pag-angkon sa de kalidad nga edukasyon.
Naay atong scholarship sa mga kabataan, ang nabulahan niini ang politiko nga maoy nagpasiugda niini. Tiaw mo nga gobiyerno, mao ang gipagasto sa tuwesyon sa mga kabataan. Wala lang ba kaha malingla ang gobiyerno niini?
Ang gobiyerno mao ang migasto sa tuwesyon sa mga kabataan og kinsa ang nabulahan, natural kining mga konggresman nga nagpatuo nga sila ang migasto alang sa tuwesyon sa mga bata apan, ang matuod, ang luwarta gikan sa gobiyerno.
Busa, kini nga sinulat, moingon nga bisan kanus-a, wala nay paglaom kining atong gobiyerno. Kining mga politiko nga nagpahayag sa ilang intensiyon nga silamodagn, ambot unsa man kaha ang ilang buhaton?
Mapalambo kaha nila ang Pilipinas? Sa akong pagtuo, wala nay kristo nga politiko ang mahimong instrumento aron mapalambo kining atong nasod.
Duna man ganiy atong higala ang nag-ingon nga kinahanglan nga pouhon kuno ang Pilipino dinhi sa panit sa yuta; kini butang nga gisupak ning tagsulat.
Maayo unta kon kadtong mga Pilipino nga tua na magpuyo sa ubang nasod, mao ang mosimilya sa matarong. Apan, wala? Busa, wala nay paglaom ang mga Pilipino makapuyo sa usa ka yuta nga malinawon. Ambot kanus-a pa kaha?
Feedback: Your views and reactions
Kaniadto sa linghud pa ang
Kaniadto sa linghud pa ang atong panuigon..daan na kita makabasa sa pamntalaan...tungod lagi kay linghod pa ang atong panuigon dili pa kita makapakita ug action kung gipangawat na ang atong mga salapi sa mga politico nga na a sa gobyero.
Karon nga dagko na ta ug may capabilidad sa pagsugpo niini...sa paagi nga magbantay ug moreklamo sa mga authoridad ug pagpadayag dinhi sa dyaryo para mabasa sa tanan.
Kung kinsa kanang tawo nga kawatan nga naglingkod sa gobyerno..mas labing maayo..dili lang pud ta mosulti sa dili sakto..dili nato pasanginlan ang atong presidente nga maoy nangawat..kay dili pud na siguro niya mabuhat sa kadaghan niyang trabaho...let us be specific kung kinsa sa iyang tawo.
Para nako...The government should be of law and not of men... there will be a law passed..nga bisan kinsa nga mga tawo mopadagan sa atong gobyerno..musunod jud sa balaod.. ang balaod maoy atong bantayan kung natuman ba sa mga tawo nga nagpadagan sa gobyerno.
Ang educasyon pud nato..will start from the family..don't blame it sa eskwelahan....ang mga scholarship sa mga kabataan..ehatag pud intawn ni siya sa sakto nga bata..
Kung nagpasakop pa ta sa America, usa unta ta sa mga kontra sa kalibutan...nagtoo ba ka nga nindot ang America? Mao na atong nakita sa atoa..pero sama sa atoa..daghan ug dako pud kaayo ug corruption ang America... hinoon dili parehas sa atoa nga ang mga leftist sige lang ug syagit...didto kay kung tan aw sa gobyerno nga samok na kaayo ka...mawagtang na lang ka sa circulation..either gi deadma na ka sa media or gi abduct ka sa UFO.
Sa atoa..sobra ra kaayo ang gitawag nga human rights...ato kaha ning limitahan...sakto man nga magbantay pero..dili na pud sakto nga mag sige lang ta ug syagit ug reklamo..
Parehas aning mga driver...sige syagit...sakto pa ba diay na..nga moreklamo sila kung patas-an ang penalty sa mga violator? Helllo... kung ikaw...dili mo violate sa law on traffic..dili jud ka mahadlok..bsan kapila pa na pil-on ang penalty...nagpasabot lang na nga ang mga driver are traffic violators...that's simple logic..
Dili kita magpakawala sa atong paglaum pilipinas...mo asenso ra ta...basta gamiton lang nato ang atong tagsa tagsa ka utok..magbantay sa mga kawatan, moreklamo ug dili magpakahilom..ug esumbong sa proper authority ug ilathala sa newspaper para mabasa sa tanan..ug atong hukman na sa panahon sa eleksion.
Inyong ubos nga alagad,
Alexander Horacio