Yap: Funeral parlor ug uban pa
Ni Rubelyn Yap
Monday, February 8, 2010
More Sections
Niadtong mga ikaduhang semana sa Enero, gibutang ang streamer sa poste dapit sa Udang Restaurant, nga Save Tuburan, No to St. Peter. Abi nako unsa kadto, kay naa ra ba ako'y St. Peter nga memorial plan dayon kulbaan ako basin impas akong gihulug-hulugan nga memorial plan, karong akong gipangutana akong higala nga kahibalo sa sitwasyon miingon siya nga kanang tupad sa Udang nga luna gibaligya na kana ni Mayor Tinnex Jaraula, dayon ang nakapalit laing tawo dayon gicollateral sa bangko ug karon gipalit ang maong luna sa St. Peter ang tupad nga luna gusto usab paliton tungod kay para dako gyud ang lugar nila, dili ako kayo ka kuha sa insaktong detalye ka yang nangulo sa pagdili pagtukod nianang funeral parlor dihang dapita gusto og dako nga bahin sa kwarta nga wala nabahinan daw, mao nga iyang gikumbinse ang mga tawo ilabina kadtong dapit sa tuburan nga moprotesta sila tungod nianang dili maayo nga negosyo nga itukod.
Kung unsa ang tinuod nga istorya niini, dili man tanan mogawas sa pamantalaan o balita, kay lain-lain man gayud ang interes sa kada partido. Naka-daog ang katawhan nga dili itukod nianang lugara ang funeral parlor, apan ang tag-iya anang yuta St. Peter naman ug dili man kana mabawi kanila kay legal man nilang napalit na.
Have something to report? Tell us in text, photos or videos.
Para kanako, dili man siguro mahugawan ang tubig diha, kay mo-conform man kana ang funeral parlor sa Environment Certificate ug kung ingon ana ilang baroganan nganong gitugot man diha ang Bollozos nga pareho raman na nga negosyo? Kanang Cosmopolitan, nganong natugkod mana sa palibot sa daghan panimalay? Dili man kita molaban sa St. Peter apan, kung ang laing partido nagtagawtaw lamang tungod kay wala nabahinan sa kwarta kana lain napud kana nga istorya.
Piniliay na man gud so dili, busa hatagan gayud og pabor ang katawhan ka yang boto baya nila. Ana baya gyud ang politika, apan kung humana ang piniliay, pustahan kuna, matukod na ang maong funeral parlor diha. Ang mga namuyo nianang dapita, dili sad deretso motagawtaw nga walay insaktong inpormasyon tungod kay kung makadaot dili man sad siguro hatagan og ECC. Suta-on sa dili padala sa mga tawong aduna usab interest. Kalambuan baya pud sa dakbayan kung matuman king dakong proyekto.
Maayong Adlaw!
