Yap: Gasto sa politika

Sunday, February 28, 2010

GRABE na gayud ang kasikas sa politika. Kahibalo kita nga minus gayud ang Uno Milyones nga pundo karon kung modagan ka bisan konsehal lang ilabina kung syudad ang imong daganan.  
 
Bag-ohay lang gipagawas sa PCIJ ( Phillippine Center for Investigative Journalism) ang ilang research kung kinsa ang mga politico ilabina ang mga milangsad pagka-Presidente ang pinakadako og gasto sa advertisement.

Sa maong talaan nila, si Manny Villa rang nagtangag sa numero uno nga ranggo sa pinakadakong gasto nga mikabat sa Usa ka Bilyones Pesos ug kapin.

Have something to report? Tell us in text, photos or videos.

Dayon ang uban milyones ang gasto. Kung imong tan-awon ang ilang gasto, makaingon ikaw nga galisod ba ang Pilipinas?

Para kanako wala gayud kita naglisod, grabe man gani ang mga negosyo nga ga-abli wala o tuo sa mga dakbayan, dayon galisod kita? Hay nako nga logic sa kalisod.  
 
Materially siguro lisod kita tungod kay material raman kaayo ang atong society karon. Ang sumbanan sa malampusong tawo mao man ang material nga posisyon, which is wrong gayud.

Kung imong huna-hunaon, ang gasto sa mga politico sa advertisement lang daan paingon sa adlaw sa piniliay, kung imong tipuon ang tanan, wala'y pobre ang Pilipinas ug tanan mahatagan og insaktong serbisyo sa gobyerno sama sa health care ug pension pati pa siguro housing.

Apan, unsaon taman kitang mga Pilipino dali raman kaayo makalimot sa kagahapon, maayo man kini nga kinaiya kay forgiveness mania pan wala kita’y asinso niini. Suma, ang atong gibuhat kang GMA, naa bay nahatag nato nga kalipay ug kahayahay?

Sige lang gasto ug batikos dinhi apan padayon gihapon siyang serbisyo dayon modagan pa. Taman ra kita sa istorya walay lihok. Aha naman atong kinaiya nga guidayo sa tibuok kalibutan sa panahon sa Edsa?

Karon pasulayan na usab kini tungod kay piniliay naman, ug naa ra gayud sa atong mga kamot ang kaugmaon niining atong nasud. Busa mopili kita sa mga lideres nato nga adunay pagtagad kanato ug dili lang ga-atiman sa ilang interes ug agenda.
 
Suma, daghan na ang mga pari nga misulod sa politika tungod kay dili na nila makaon ang mga traditional nga politico, usa kana sa lakang nga nakita nato nga kasukaon na kita sa mga traditional politicians.

Nalipay ako sa mga gibuhat karon sa media ilabina ang kampanya sa ABS-CBN tungod ka yang mga batan-on ang ilang target, ug angay lang makiglambigit ang mga batan-on tungod kay sila puhon ang mga sunod nga lideres niining nasud tang tabunon.