Yap: Kasikas sa kadalanan

Sunday, March 14, 2010

DAKO kaayo nga garbo sa probinsya sa Misamis Oriental ang Heritage Monument. Usa kini ka simbolo nga ang probinsya ug ang dakbayan sa Cagayan de Oro adunay dakong ikapasigarbo nga kasaysayan. Rich of heritage kumbaga tungod sa mga tawo nga nagpakamatay para kaniya ug sa mga tawong nagmahal kaniya. Garbo kini sa mga Misamisnon ug Kagay-anon.

Congratulations sa mga opisyales sa probinsya sa pag-initiate niining butanga, this act is beyond politics, it is a tribute to the rich heritage of the place.

Have something to report? Tell us in text, photos or videos.

Siguro ang probinsya ang usa sa nag-unang lugar sa Pilipinas nga naghatag og bili sa iyang heritage ilabina sa mga tawo nga nagmahal kaniya.

Sa laing bahin, sunod-sunod man ang balita nga daghan ang nagpakamatay pinaagi sa paghikog. Pastilan, dili kini lalim nga kahimtang tungod kay tawo lamang kita, pero para kanako, mga talawan kini sila nga mga tawo. Kulang sila og igong kusog aron atubangon ang kalibutan.

Dako kaayo kini nga problema sa atong katilingban karon. Makita nato nga kasagaran sa atong katawhan huyang ug dili igo ang ilang moral foundation. Wala ra gayud sila sa mga tawo sa Afrika. Isog ang mga Afrikans in terms sa pag-atubang sa problema ug dili huyang ang mga kaugalingon bisan walang-wala sila.

Kita we have everything in life in its simplest form lang pero dili kita kontento. Kasagaran sa rason nganong gapanghikog sila mao ang problema sa gugma, mingaw, wala’y trabaho ug uban pa.

Kini mga gagmay kaayo ni nga problema nga unta daghan kaayo mas dakong problema ani apan tungod kay huyang man sila ilabina ang ilang support mechanism nga mao ilang pamilya mao nga dali rani nilang mabuhat. Aha naman ang simbahan nato, nga mao kuno ang dakong responsibilidad sa moral foundation sa katawhan, supak man gyud kini sila sa daghang butang, unta ila pud tutokan ang problema sa suicide sa dakbayan. You are morally obligated to your flock, fathers!

Usa usab ka dakong problema sa atong katilingban karon mao ang druga. Gibutyag lang bag-ohay sa pamantalaan nga ang Amihanang Mindanao , usa sa dakong lugar nga ang transaksyon sa druga ginapahigayon.

Dako kini nga tahas sa atong PDEA ug kapolisan. Sa una paman kini nga problema murag gakaworst karon tungod kay dako ang demand ug nay ika-afford ang consumer. Mismo ang mga tawo nga naa sa autoridad mao ang gadumala sa negosyo busa dili gayud masapnan kini ug madakpan tungod sa mga proteksyon.

Busa ang katawhan nga nagpakabana, magkahiusa kita aron masugpo kini. Ayaw ninyo hulata intawon nga inyong pamilya pa ang mabiktima niining problemaha. Lihok na ayaw paglangay higala.