GIIMBITAR ni Lahug Barangay Captain Mary Ann Delos Santos si Cebu City Mayor Tomas Osmeña nga mosalmot sa lumba sa dagan nga giulohan og Running Mad2 nga nagdala sa tema nga “Smart is the New Sexy.”

Ang maong fun run nga langkuban sa 3-k mens/women’s open, 6-k mens/women’s open ug 12-k mens/womens open division ipahigayon karong Nobiyembre 22 sa alas 5:45 sa buntag nga sugdan ug tapuson sa UP Lahug grounds, dakbayan sa Sugbo.

"The Manny Pacquiao Blog". Click here for stories and updates on the Filipino boxing champ.

Sa press conference kagahapon sa 4th floor sa Lahug Brgy. Hall, gipadayag ni Delos Santos nga iyang imbitahon si Osmeña nga mosalmot ug mouban kanila sa pagdagan.

“Yeah I’m inviting Mayor Tommy (Osmeña) to join the Running Mad2, also to V-M Michael (Rama), the rest of City Council and all the public officials in the neighboring City of Cebu for the wellness so join the run,” batbat ni Delos Santos.

Si Tinago Barangay Councilor Joel Garganera nikompirmar nga ang kinatibuk-ang konseho sa Lahug pangulohan ni Kapitan Delos Santos ang pagdagan sa 12-k apan gipadad-an pa ug imbitasyon ang ubang mga Barangay aron sa pag-apil.

Gibutyag ni Konsehal Garganera nga ang modaug sa 12-k mens/womens open adunay P5,000, P3,000 ug P2,000 alang sa ikaduha ug ikatulo, ang modaug sa 6-k mens/womens open makabulsa sa P2,000, P1,000 ug P500 sa ikaduha ug ikatulong dapit.

Mahimong makaparehistro sa Lahug Brgy. Hall, City-Gym Waterfront Hotel Lahug, Holiday Gym and Spa ug sa Cebu City Sports Center sa kantidad nga P100 nga may libreng singlet ug ang katapusang pagpanawat sa mga moapil karong Nobiyembre 19. (Daniel Quindao Guden)