DI mominos 10 ka ka mga hepe sa kapulisan ubos sa Cebu Provincial Police Office (CPPO) ang patubagon kon nganong di mataktakon sa ilang puwesto tungod sa ilang di maayong kampanya batok sa loose firearms o mga armas nga way lisensya.

Si CPPO Director Jesus Gaquing wa mobutyag sa mga hingtungdan hepe sa kapulisan ug nidason nga buot una niya nga mabati ang ilang pagpasabot.

Sun.Star accepts donations for victims of Typhoon Ondoy

Ang Philippine National Police (PNP) nagmando sa pagpalig-on sa ilang han-ay sa kampanya batok sa loose firearms - Oplan Kontra Boga.

Ang matag unit sa kapulisan gihatagan og di mominos tulo ka porsyento sa ilang target number sa pagkuha sa loose firearms.

Usa kini sa pagtuman sa mando ni Pres. Gloria Macapagal Arroyo sa pagpakusog sa kampanya isip pagpangandam sa nagkaduol nga eleksyon sa Mayo 2010.

Sukad niadtong Hulyo ning tuiga, ang PNP kanunay nagsubay sa ilang units bahin sa agrisibo nga operasyon sa paggukod sa mga armas nga way lisensya.

Ang kagamhanan nihatag na og final firearms amnesty sa miaging buwan busa gisubsob na karon ang kampanya.

Apan, ang pagdawat sa aplikasyon sa pag-renew sa lisensya sa mga armas gilugwayan na ngadto sa Nobiyembre 30.

Nagpasidaan ang PNP nga mohimo og pagpangronda sa pagsiksik sa mga gitagoang armas.

Matod ni Gaquing, usa ka letter of instruction bahin sa Kontra Boga ang gipadala na sa police chiefs nga ‘below par performance di sila mahimo gipaubos sa administrative relief.

Gipasabot ni Gaquing nga ang huyang nga performance dako usab og epekto sa kriminalidad tungod.

Ang 10 ka mga opisyal gihatagan og lima ka mga adlaw sa pagsumiter sa ilang pagpasabot.

Kon di sila matagbaw sa pagpasabot, si Gaquing nagkanayon nga mokonsulta siya sa higher headquarters ug mga opisyal sa lokal nga kagamhanan alang sa pag-relieve sa maong mga hepe sa pulisan.

“This is part of our management mechanism to make sure that, as much as possible, we provide the best police service,” matod ni Gaquing. (Gikan sa Sun.Star Cebu)