16-anyos nabangga sa bus, patay

Friday, July 30, 2010

PATAY nang nidangat sa Carcar District Hospital ang usa ka 16 anyos nga lalake human nibangga ang iyang motorsiklo sa gikasugat niining bus nga depasaheroan sa miaging adlaw sa Brgy. North Poblacion, lungsod sa San Fernando, Sugbo.

Ang biktima giila sa kapulisan nga si Oliver Paradero, taga Brgy. Tanañas sa nahisgutang lungsud kinsa nagdala sa iyang motorsiklo (4335).

Have something to report? Tell us in text, photos or videos.

Updates on President Benigno Aquino III's presidency

Samtang ang gikabangga niini mao ang Sunrays (GWP-884) bus nga gimaniho ni Enriquito Benson, 44, taga Brgy. Talisay, lungsod sa Santander.

Sa imbestigasyon nila ni Insp. Carlos Reyes Jr., hepe sa San Fernando Police Station, si Paradero gikan kini sa habagatang bahin sa lalawigan sa Sugbo samtang ang bus gikan sa dakbayan sa Sugbo.

Apan samtang nagsubay sa national highway ang biktima kalit lang ni-overtake sa usa ka multicab apan nawad-an kinig control sa manobela hinungdan nga didto mopilit sa gikasugat niining bus nga maoy hinungdan sa grabeng kadaot sa kalawasan.

Gidali sa pagdala sa tambalanan sa Carcar apan gidekarar nga dead on arrival (DOA) tungod kay wa na makaagwanta sa kadaot sa iyang lawas.

Ang driver sa bus gitanggong sa prisohan. (Guam P. Logroño)