2 ka mga partido nagpakusganay sa sound system
Monday, March 22, 2010
More Sections
NAGUBOT ang rali nga gipahigayon sa Nacionalist People’s Coalition (NPC) sa Brgy. Bangkal, dakbayan sa Lapu-Lapu niadtong Dominggo sa buntag.
Kini human gipalabwan sa kaatbang nga partido ang kakusog sa ilang sound system sa kusog sa nga pagkapatukar sa political jingle ginamit ang sound system sa barangay.
Have something to report? Tell us in text, photos or videos.
Ang mga national candidate sa NPC nga sila si senatorial candidate Satur Ocampo, Adel Tamano ug Gilbert Remulla wa makahigayon sa ilang pagdiskurso sa dihang nitumaw na ang ilang lamok-lamok.
Click here for Election 2010 updates
Samtang ang barangay opisyal sa Bangkal pinaagi kang barangay secretary Mario Aying nipa-blotter sa insedente sa Police Station 5 sa pasangil nga ang mga supporter ni NPC mayoral candidate Junard ‘Ahong’ Chan niguba sa ilang mga monobloc chairs ug sound system.
Apan si Chan nihulagway sa kampo sa iyang kaatbang (Lakas Kampi) nga binastos ang gihimo kay gituyo ang pagpakusog sa sound system nga nagtukar sa political jingle sa mga Radaza.
Pulong pa ni Chan nga human siya nakasulti sa entablado uban sa iyang running mate nga si Rico Amores ingon man si congressional aspirant Lito Ruiz ug turno na ni Satur sa pagdiskurso, kalit nga nikusog ang pagpatukar sa political jingle sa kaatbang.
Hinungdan nga wa mahuman ang mini rally sa kilid sa Bangkal covered court, diin dumptruck maoy ilang silbi nga entablado.
Base sa natala sa blotter nga wa mohatag og permit ang barangay nga makagamit ang NPC sa covered court sanglit adunay basketball tournament nga ipahigayon ug unang nakapa-reserve ang Sangguniang Kabataan.
Gibutyag ni Chan nga way basketball tournament niadtong higayona apan adunay monobloc chairs nga gilaray ug gimontar nga sound system.
Sumala ni PCInsp. Conrado Manatad, hepe sa Police Station 5 sa Lapu-Lapu City Police Office nga sigun sa pasangil sa taga-barangay nga gipamunal sa supporters ni Chan ang 30 ka mga lingkuranan ug pagka-guba sa amplifier, DVD player ug duha ka mga speaker.
Ang taga barangay nitataw nga wa tuyoa nga mabalda ang kalihokan. Naatol lang nga gubaon ang ilang sound system apan ila gilayong gipawong. (FVQ)
