2 ka motor nagbangga; 2 namatay, 2 naangol

Tuesday, September 7, 2010

TUNGOD sa pag-gara-gara sa mga batan-ong naglumba sa pagmotorsiklo, duha na hinuon ang nangamatay ug duha ang nangaangol sa panangbangga sa duha ka mga motorsiklo sa miaging gabii sa Brgy. Poblacion, lungsod sa Barili, Sugbo.

Ang mga biktimang nangamatay gumikan sa grabing kadaot sa ulo ug lawas mao sila si Farel Joseph Trasmonte, taga Sitio Gemilina, Poblacion, ug si Louie De Los Reyes, 16, taga Brgy. Balaw sa nahisgutang lungsod.

Have something to report? Tell us in text, photos or videos.

Updates on President Benigno Aquino III's presidency

Si PO3 Job Sarvida, desk officer sa Barili police station nga nahinabi sa Sun.Star Superbalita, nagkanayon nga mga alas 10 sa miaging gabii, usa ka habal-habal driver nga si Fedilito Vergara, hingkod, nagdala sa XRM (GF5911) maoy gisakyan nila ni Trasmonte ug Frederick Mendoza paingon sa merkado publiko sa lungsod.

Apan wa damha nga sa ilang pag-abot sa may F. Paras Street, ilang gikasugat ang nagkarera nga duha ka mga motorsiklo, usa niini wa masayri sa kapulisan.

Usa sa duha nga gimaneho ni De los Reyes maoy ilang gikabangga.

Matod pa ni Sarvida nga sa kakusog sa impact sa pagkabangga, nangalagpot ang mga biktima ug nangabunal ang ulo sa karsada hinungdan nga grabing kadaot sa ilang kalawasan.

Human sa pagbangga, ang mga biktima gidali sa pagdala sa Barili District Hospital, apan gumikan sa ka seryuso gibalhin sila sa Vicente Sotto Memorial Medical Center, apan sila si Delos Reyes ug Trasmonte gideklarar nga dead-on-arrival.

Si Sarvida niingon nga nag-gara-gara lang gyud ang mga batan-on sanglit way reports nga nagpustahanay kini sa iyang gikagukod.

Wa nila isalikway nga ang kadangog sa lugar nakatampo sa disgrasya sanglit nag-uwan niadtong miaging gabii.

Dugang pa niini nga makadaghan nang higayon nga duna silay gialarma nga racing sa motorsiklo sa ilang lugar, apan dali usab kaayong makasibat sa ilang pag-responde.