MOABOT sa 250 ka mga pasyente sa Metro Cebu ang hatagan og libreng health insurance sa Department of Social Welfare and Development (DSWD) uban sa pag-abag sa Phil. Health Insurance Corp. kun Philhealth.
Usa ka kasabutan ang gilagdaan sa DSWD-7 ug Philhealth alang sa maong programa.
Gipahibawo ni Jaybee Carillo sa DSWD-7, nga ang 250 ka mga pasyente mao ang mga "perennial clients" kun nagbalikbalik na sa Crisis Intervention Unit (CIU) sa DSWD-7.
Ubos sa kasabutan, ang DSWD maoy moila ug molista sa qualified indigent family ug mosiguro sa pagpagawas sa pundo.
Ang matag pasyente dunay P600 nga budget alang sa iyang premium.
Ang PhilHealth sa ilang bahin nitanyag og duha ka package alang sa maong programa; ang una mao ang alang sa in ug out-patient package u gang usa alang sa outpatient consultation and diagnostic package.
Sa unang package, ang pasyente maka-avail og lawak, serbisyo sa mga health care professional, diagnostic, laboratory ug ubang medical examination services, medical facilities ug medisina.
Saa ikaduhang package, ang pasyente mahimong maka-avail og primary consultation ug laboratoryo sama sax ray, CBC, fecalysis, urinalysis ug sputum microscopy.
Ang matag beneficiary nga ilhon sa DSWD hatagan og ID sa PhilHealth. (CPL)