3 gipusil, 1 patay

Sunday, March 21, 2010

USA ang patay ug duha ang samdan sa mga lalake nga gipamusil samtang nagsakay og motorsiklo sa Barangay Naalad, siyudad sa Naga niadtong Sabado, alas 7:00 sa gabii.

Sumala sa kapulisan sa Naga, ang mga biktima mao sila si Leonardo Canonigo, hingkod na, minyo; Cerilo Giralana, 23, minyo,; ug Erwin Canonigo, 33, minyo. Ang tulo pulos taga Barangay Lutac sa nahisgotang siyudad.

Have something to report? Tell us in text, photos or videos.

Ang nakabsan sa kinabuhi sud sa ospital mi Leonardo, usa ka chief mechanic, ug iyang assistant sila si Giralanao ug Canonigo, pulos samdan.

Click here for Election 2010 updates

Ang tulo gikan sa Barangay Calahuan, lungsod sa Minglanilla gikan sa trabaho ug nagsakay sa usa ka motosiklo nga gimaniho ni Leonardo ug angkas ang duha.

Apan paghiabot sa Nalaad kalit lang nitunga ang wala mailhing tawo ug dayong pusil sa mga bitkima.

Si Leonardo naigo sa iyang ulo samtang ang bala nilapos sa iyang agtang.

S Cerilo naigo sa iyang liog ug si Erwin naangol human malamba ang ilang gisakyang motorsiklo.

Ang tulo daling gidala sa South General Hospital, apan si Leonardo nakabsan gayod sa iyang kinabuhi samtang ang duha ka mga biktima anaa pa sa tambalanan.

Nakuha gikan sa crime scene ang usa ka kabhang sa kalibre .45 nga maoy posebling gigamit sa nagpusil.

Si PO2 Miguel Castañares nga nahinabi sa Sun.Star Superbalita niingon nga sa pagkakaron padayon pa ang ilang gihimong imbestigasyon bahin sa maong kaso.

Apan dako ang ilang pagtuo nga aduna gyuy saksi sa hitabo apan mahadlok pa lang mogawas ug mosulti ngadto kanila tungod sa posibling pagpanimawos.

Gihulagway ni PO2 Castañares ang dapit nga nahitaboan nga dii mingaw og hayag usab ang lugar, hinuon, lakip sa ilang gisusi kon unsay background sa mga biktima kon wa kini gikaaway.