4 ka sakop sa Crips gikihag murder
Thursday, March 18, 2010
More Sections
NAG-ATUBANG nag kaso ang usa sa upat ka mga sakop sa Crips Gang nga nipusil patay sa duha ka mga sakop sa Bloods ug niangol sa laing usa sa Barangay Tejero, dakbayan sa Sugbo niadtong milabayng semana.
Si Aldus Arregadas nag-atubang na karon sa duha ka mga kasong murder samtang ang iyang tulo ka mga kauban pasakaan usab sa samang kaso human gipusil si Kenneth Veloso ug Ana Mary Bukiron. Naangol si Jeffrey Villomo.
Have something to report? Tell us in text, photos or videos.
Click here for Election 2010 updates
Di makapiyansa si Arregadas ning iyang giatubang nga kaso.
Positibong gitudlo ang suspek sa mga testigo nga lakip sa nihimo sa krimen niadtong kaadlawon sa Marso 9 sa Sitio Sampaguita, Tejero diin gipusil ni Jordan Alueta sila si Veloso ug Bukiron nga giingong sakop sa Bloods.
Kuyog nilang Arregadas ug Alueta ang laing mga kauban nila nga si Joseph Yu ug Eleuterio “Junjun” Eliacano Jr. Silang Alueta, Yu ug Eliacano gipangita pa karon sa mga awtoridad.
Matod sa testigong si Primo Andrade nga samtang diha siya sa ikaduhang andana sa ilang balay nakadungog siyag buto ug nilili siya sa lungag. Nakita niya si Alueta nga nigukod kang Veloso ug Bukiron ug gipamusil kini.
Nakit-an usab niya nga may back up si Alueta sa iyang gihimong pagpamusil nga nagdala usab og mga armas ug niduol kini kang Veloso unya gitiwasan siyag pusil sa ulo.Si Villomo nisuway sa pagtabangkang Veloso apan gipusil siya ni Alueta nga niresulta sa pagkaigo sa iyang bukton busa nidagan siya, dugang ni Andrade sa iyang affidavit. (JECT)
