LAHI ang panahom sa kanhi disipulo ni American trainer Freddie Roach ug giingong higala sab ni pound-for-pound champion Manny Pacquiao nga si American actor Mickey Kourke kabahin sa away sa Pambansang Kamao sa Pilipinas batok kang Puerto Rican Miguel Cotto karong Nobiyembre 14 sa Las Vegas.

Kon kadaghanan nagtuo nga modaog gyud si Pacquiao – gani mitagna si Roach og first round knockout nga kadaugan alang sa Pinoy – si Rourke nagtuo nga 50-50 ang engkuwentro.

"The Manny Pacquiao Blog". Click here for stories and updates on the Filipino boxing champ.

“It’s 50-50,” dinaliang tubag sa Rourke dihang gipangutana sa www.gmanews.tv kon unsay iyang panahom sa away atol sa iyang pagbisita sa Wild Card gym diin nag-training si Pacquiao.

Ang Academy award nominee, kinsa nahimo sab nga professional boxer niadtong dekada 90, nagtuo nga modaog gyud hinuon si Pacquiao apan di gyud kini sayon nga tahas alang sa lumad nga taga General Santos City.

“I don’t think Cotto would be a walk in the park. He’s gonna be strong. Cotto is the bigger fighter and a very good fighter,” matod ni Kourke.

Hinuon sama sa pangagpas sa kadaghanan, ang kaabtik gyud ni Pacquiao ang maghatag og dakong problema ngadto kang Cotto.

“Speed would be able to offset Cotto’s power. Speed is more important than power. Manny has got to stay away from Cotto’s range since he (Cotto) can bang with both hands,” dugang ni Rourke.

Aduna sab gyu’y kapasikaran si Kourke sa iyang pagpagawas og panahom gumikan kay di man sab siya kabintahaan dihang nagboksidor pa siya ubos sab sa paggiya ni Roach.

Nibiya si Kourke pagka artista niadtong 1991 unya ubos sa paggiya ni Roach, wa siya’y pilde sa nag-una niyang walo ka mga away – duha niini niresulta sa tabla.