TIGUWANG dalaga gituohang gitulis ug gipatay apan wa isalikway sa kapulisan sa lungsod sa Ronda nga gilugos ang biktima sa wa pa gipatay.

Ang biktima giilang si Lorna Recamora, 57. Siya nakit-ang patay sulod sa iyang balay ug naligo na sa kaugalingong dugo.

Sun.Star accepts donations for victims of Typhoon Ondoy

Ang silingan sa namatay nga si Alma Tomaquin maoy unang nakabantay nga baho ang balay sa biktima.

Nitaho siya sa ilang barangay kapitan nga si Rolando Oge ug ilang gisusi uban sa mga barangay tanod.

Sa ilang pagsusi patay na ang biktima ug nakuha gikan sa crime scene ang parisan sa ariyos, pulseras ug kuwarta.(DRT)

Si Recamore nag-inusara lang nagpuyo sa balay.

Si SPO1 Jerome Pardo nga nahinabi sa Sun.Star Superbalita niingon nga si Recamora adunay balay nga gibantayan apan mag-ulian lang sa iyang giabangan nga balay.

Ang mga silingan sa namatay nibutyag nga kataposan nilang nakit-an si Recamora niadtong Biyernes sa hapon.

Wa na gyod mogawas hiadtong Sabado hangtod nga nakit-ang patay niadtong Dominggo pasado alas 6:00 sa gabii. Matod ni SPO1 Pardo nga d pa sila makatino kon unsay hinungdan sa kamatayon tungod kay baho na ang lawas ug hapit na madugta.