SA labing unang higayon, napagawas ni 6’10” Japeth Aguilar ang iyang kapabilidad dinhi sa Pilipinas sa 100-94 nga kadaugan sa Powerade Team Pilipinas batok sa evangelical Soldiers for Christ sa miaging gabii sa usa ka exhibition game sa The Arena sa San Juan.

Gimugna ni Aguilar ang lima sa iyang walo ka puntos sa krusyal nga 4th quarter unya nakadugang sab siya’g unom ka rebounds ug upat ka blockshots batok sa American Missionaries.

For updates from around the country, follow Sun.Star on Twitter

Lima lang sa regular nga mga sakop sa RP Team ang nakaapil sa duwa apan nakatabang sab gyud ang gipangkuha nga hulip sa mga wala nakatunga.

Ang regular nga sakop nga ningduwa mao ra sila si James Yap, Kerby Raymundo, Ranidel de Ocampo, Willie Miller ug Awind Santos nga pulos sab gyud maayong nakaduwa.

Wala nakatunga ang ubang mga sakop sa RP team gumikan kay aduna kini angol unya ang uban nagduwa pa sa kasamtangang finals sa PBA Fiesta Conference tali sa San Miguel Beermen ug Brgy. Ginebra Gin Kings.

Gipasabot ni national coach Yeng Guiao nga wala pa gyud nakadominar og maayo si Aguilar gumikan kay mao pa lang kini ang iyang pagduwa kauban ang RP Team.

“It was the first time for him in a game situation so medyo feeling it out pa siya. We have many things in store for Japeth in the coming days,” matod ni Guiao.

Puntos kada usa:

Powerade-RP (100) – Santos 22, Yap 18, Raymundo 13, Arboleda 9, Yee 9, De Ocampo 9, Miller 8, Aguilar 8, Belga 4

Soldiers for Christ (94) – Morgan 21, Oliver 20, Alexander 17, Mcfadden 13, Amenra 11, Crawford 5, Green 4, Dooley 3. (ESL/PBA Media Bureau)