Albor: Kinabuhing gipugngan, gipanalipdan

Friday, March 12, 2010

Cesar Albor
Sandiganan

KAY umaabot ang bugno sa pulitika, mitumaw ang mga isyu nga naglimin sa mga kandidato. Apan namatikdan nga wala gyuy naghisgot sa ilang baruganan mahitungod sa Reproductive Health Bill.

Have something to report? Tell us in text, photos or videos.

Kining maong balaudnon nga nagtumong sa family planning hugtanong gisupak sa simbahan ug mga religious sector. Napanid-an hinuon nga halos tanang mga kandidato nangulitawo sa simbahan ubos sa nagkalain-laing mga tinuhuan aron makakawhat og suporta kay ang baruganan gud sa simbahan makapadaog o makapapilde man og kandidato.

"The Manny Pacquiao Blog". Click here for stories and updates on the Filipino boxing champ.

* * *

Kining methods of contracepcion nga gisugyot sa Reproductive Health Bill maoy epiktibong plano aron dili modagsang ang mga anak. Kini naglakip sa folk method (withdrawal), mechanical method (condom), hormonal (pills), injection (depo provera), abortifacients (IUD), surgical (tubal ligation sa babaye/vasectomy sa lalake) ug natural method (calendar). Dihay misuway sa calendar method apan nabuntis hinuon kay gihanig man ang kalendaryo sa dihang ang magtiayon miluwak sa taluktok sa himaya.

* * *

Si Jappy nga nag-email ning maong lindog misaway sa sukaranan sa simbahan. Kay kon magdaghan gud ang mga anak lisod ang pagbuhi ug ang pagpatungha. Makatarunganon ang pagplano sa pamilya kay kon modagsang gud ang mga anak, maoy makatampo sa naghingapin nga kapit-os. Midugang si Jappy nga siya usa ka Catholic solid devotee gikan pa sa iyang mga katigulangan. Busa sayon nga sabton ang baruganan sa simbahan. Kay kon daghang matawo, daghang bunyag, dag hang kasal, daghang kuwarta nga maadto sa puntil sa simbahan. Apan ning maong lindog ako moingon, sa mga uyon ang kinabuhi gipugngan ug sa mga supak ang kinabuhi gipanalipdan.

BANAWA-ENGLIS VS. GUADALUPE

Nakig-away karon si Barangay Kapitan Jing-jing Faelnar sa iyang mga sakop nga maoy nakapadaog kaniya sa milabayng mga piniliay. Usa na ka balaod ang paghimong barangay sa Banawa-Englis kay napasar na sa kongreso ug gipirmahan na ni Pres. Gloria Macapagal-Arroyo. Busa ang pagtugyan niini sa mga tawo pinaagi sa plebisito agig pormalidad na lamang sa napalabang nga balaod.

* * *

Sayon kaayong sabton ang baruganan ni Faelnar kay mokunhod na man ang kinitaan sa panudlanan sa Guadalupe. Nabalaka sila nga basin monunot pod unya pagkunhod ang suweldo nilang mga opisyal ug ang mga honorarium sa mga nagtrabaho sa barangay. (e-mail add. csa_1156@yahoo.com cell #: 0905-250-4643)