Albor: May kagawasan ang kangitngit
Friday, March 19, 2010
More Sections
Cesar Albor
Sandiganan
NASINATI nato karong panahona ang sobsob nga paghugpa sa brown-out. Resulta kini sa kakulang sa suplay sa koryente. Hinungdan nga dunay gitukod nga power plant, apan nahiagom og pagsupak sa grupo nga dili gusto og kalamboan.
Have something to report? Tell us in text, photos or videos.
Sa panahon sa kagabhion kon dunay brown-out, ang kandila maoy temporaryo nga isuga.
Kon mapatiran sa nagginukdanay nga iring ug ilaga maoy nakaingon sa mga nahitabong sunog. Apan sa mga badlungon sa katilingban, ampay nila ang kangiob kay naghatag nilag kagawasan sa pagpanghilabot. Mohaom sa panultihon “in darkness there is liberty”. (Diha sa kangitngit anaa ang kagawasan).
Click here for Election 2010 updates
* * *
Ang mga CITOM mogamit sa maong kagawasan. Kon ang brown-out maatol og adlaw, inay magpahapsay sa naghuot nga mga sakyanan, ilang gipahimudsan ang kagawasan sa pagpangwarta sa mga jaywalkers. Mao hinuoy giatiman ang pagpanakop sa mga molatas sa kadalanan aron makabayad og multa nga P50.00. Angayan unta sa panahon sa brown-out, ang mga jaywalkers hatagag kagawasan sa paglatas ug ang mga CITOM magtagad unta nga mahapsay ang dagan sa trapiko ilabi na sa nagkuros nga mga eskina nga wala nay matamod nga traffic signal.
* * *
Niadtong Lunes, daghang nireklamo sa gihimo sa mga sakop sa CITOM lakip na ang mga estudyante. Paghugpa sa brown-out maoy gibantayan ang mga molatas sa kadalanan. Unsa man diay ang papel sa CITOM? Pagpahapsay sa traffic congestion o penalty collection? Dihay daghang gipangdakop nga mga jaywalker. Tungod kay nagdali o naulaw ba kaha nga nadakpan motunol og P50.00 dayong lakaw. Asa man mahimuntog ang kwarta nga wala may resibo?
KALBARYO SA DRIVERS
Mga PUJ ug taxi driver ingon og wala na sila makasabot sa lagda sa taga CITOM. Lagyo na kaayo ang mga lugar nga gitugot kanila sa pagpick-up og mga pasahero. Kon makalapas niini, didto sa unahan dunay nag-ukoy nga mga CITOM aron sila dakpon. Pagkadako ra ba sa penalty nga P1,200.00 nga maisip nilang kalbaryo sa ilang
kapanginabuhian. Maayo pang magdrive mog Towing Truck kay dili gyud dakpon bisan asa mohunong. Dili hinuon tawo ang pasahero kon dili mga motorsiklo.
* * *
Gihulagway sa mga driver nga daw apdo ang kapait sa ilang sitwasyon. Kanunayng gibantayan sa mga CITOM ang ilang kalapasan. Nagpas-an sila sa kamahal sa sugnod nga gitubil samtang walay usbaw ang pletihan. Pait daw sa apdo, maayo pay mousap og panyawan nga matiamtiam pa man.
