Alvin mipahimangno sa narco politics

GIKONDENAR ni Kugi Uswag Sugbo (Kusug) mayoral candidate Alvin Garcia ang pagsaka sa paggamit sa drugas sa mga barangay sa dakbayan sa Sugbo ug nipahimangno nga tinuod gyud ang hulga sa narco-politics.

Giluwatan kini ni Garcia human si Paul Oaminal, deputy director sa Dangerous Drugs Board, nibutyag nga nisaka ang paggamit og drugas sa Cebu City.

Click here for Election 2010 updates

Gani sa ilang pagsusi sa duha ka mga barangay sa dakbayan, nasuta gyud sa Pdea nga duha ka mga barangay sa dakbayan sa Sugbo nasudlan na sa cocaine.

Kini samtang si Quezon Gov. Rafael Nantes, treasurer sa Liberal Party nga nakatigom og P5 bilyunes alang sa kampanya sa partido, gilambigit sa usa ka drug factory complex, dinhi sa Sugbo sab mao ang pagsabak og nalambigit sa drugas.

Si Garcia niingon nga bisan mismo si Mayor Tomas Osmeña nipasangil kang Bise Mayor Mike Rama nga nagsabak og drug trafficker, sama kang Cresistomo “Tata Negro” Llaguno.

Nakalingkawas si Llaguno sa pagsikop kaniya unta sa Philippine Drug Enforcement Agency (PDEA-7) niadtong Nobiyembre 2008 atol sa usa ka derby sa Tabunok, Talisay city.

“We cannot have a mayor whose stand against illegal drugs is shaky and who betrays his own constituency by keeping a public friendship with a felon (Llaguno) convicted for violating R A 6425, the old Dangerous Drugs Law,” matod ni Garcia.

Siya niingon nga ang panaghigala nila ni Rama ug Tata Negro wa gyud matarong sa pagpasabot.

Gani, matod ni Garcia, nga ang pagpatay kang Llaguno pipila ka mga adlaw sa wa pa ang piniliay nakapaturok sa pagduda nga kini dunay labot sa pulitika.

Gawas sa drugas, gitumbok sab ni Garcia ang mapait nga kahimtang ubos sa administrasyon karon sa dakbayan sa Sugbo.

Siya niingon nga malisod na ang kahimtang sa dakbayan nga makita ang mga timailhan diha sa mga karsada nga puno sa mga libaong, kakuwang sa sugang dagitabnon, nagkagrabeng kriminalidad ug nagkahuot nga trapiko.

“With all the dirt and squalor that even Georgia Osmeña, the mayor’s sister, finds woeful is an indicator of things to come” kon magpadayon ang katawhan sa pagsuporta sa administrasyon karon,” nagkanayon si Garcia.

“Let us say no to drugs. No to neglect. No to narco-politics,” panapos niya. (REV)