Amahan, anak gipusil, angol

Monday, March 15, 2010

AMAHAN ug anak gipamusil sa siyudad sa Carcar sa upat ka wa mailhing mga tawo nga nagsakay og motorsiklo.

Ang nidangat sa tambalanan giila nga sila si Josephine Mamac, 36, ug iyang amahan nga si Eusebio Basillote, 63, pulos taga sityo Bokyol, barangay Poblacion-3.

Have something to report? Tell us in text, photos or videos.

"The Manny Pacquiao Blog". Click here for stories and updates on the Filipino boxing champ.

Base sa imbestigasyon sa kapulisan ang amahan ug anak naglingkod lang sa gawas sa ilang balay pasado alas 8 sa gabii niadtong Dominggo.

Sa kalit lang niabot ang duha ka mga motorsiklo nga gisakyan sa upat ka wa mailhing mga tawo.

Sa dihang niabot ang mga responsible, nangita kini sa ginganlan og Eric.

Sa dihang niabot ang upat sa ilang tungod, subli na usab kining nangita sa ginganlan og Eric dayog pamusil kanila.

Hinungdan nga ang amahan naigo sa tuong tiil samtang ang anak naigo sa nagkadaiyang bahin sa lawas ug daling gidala sa tambalanan sa dakbayan sa Sugbo.

Ang kapulisan nga nitubag sa alarma nakakuhag mga kabhang sa bala sa 9mm pistol ug kabhang sa kalibre .45 nga pistola.

Sa pagkakaron, padayon pa ang ilang imbestigasyon. Apan usa ka tawo ang ilang giimbitar sa police station tungod sa posebling kalambigitan sa krimen.