AMAHAN ug anak nga taga Balamban, Sugbo gipatay niadtong gabii sa Todos Los Santos.

Ang kapulisan sa lungsod niila sa mga biktima nga sila si Cesario Herbito ug Billy Joy Herbito, taga sityo Riverside, brgy. Singsing samtang ang suspek giilang si Achilles Bakak, silingan sa mga biktima.

Matod pa sa kapulisan sa Balamban nga nikalit lang pagbutho si Bakak sa panimalay sa mga Herbito pasado alas 7 sa miaging gabii.

Sun.Star accepts donations for victims of Typhoon Ondoy

Unang gipusil niini si Billy Joy, 19, sud sa balay.

Human niya pusila ang batan-ong Herbito, nidagan kini, apan gigukod siya ni Cesario.

Si Cesario na sab hinuoy giatubang sa suspek ug gipusil tumong sa agtang hinungdan sa pagkamatay diha-diha.

Matod pa ni PO2 Cesar Climaco nga naglibog sila sa motibo sa pagpusil.

Wa pa nila madakpi ang suspek samtang ipasaka karong adlawa ang kasong murder batok sa suspek.

Samtang sa laing bahin, usa ka katabang nga lalake gipusil usab sa miaging gabii sa may brgy. Dapitan, Cordova, Sugbo.

Ang biktimang si Junel Mendoza padulong mo-disco dihang giatangan ug gipusil patay sa wa pa mailhing mamumuno.

Patay na nga niabot sa Lapu-Lapu District Hospital si Mendoza. Mga kabanay sa biktima naglibog pa sa motibo sa pagpatay kay wa siyay kaaway. (Madine B. Sabang and Czarina Francesca Talon, STC Media Interns)