Amit, athlete of the year sa SAC
Friday, March 12, 2010
More Sections
NAPILI ang babayeng bilyarista nga si Rubilen Amit isip 2009 Athlete of the Year sa Sportswriters Association of Cebu (SAC)-San Miguel Brewery (SMC) All-Cebu Sports Awards niadtong Huwebes sa gabii sa Casino Español de Cebu.
Ang pagkahimong kampiyon sa lumad nga taga Mandaue City sa JBETPoker.Net World 10-Ball Championships sa SM North sa Quezon City mao ang nakapadaog kaniya sa prestihiyusong individual sports award dinhi sa Sugbo.
Have something to report? Tell us in text, photos or videos.
"The Manny Pacquiao Blog". Click here for stories and updates on the Filipino boxing champ.
Apan dili sab gyud sayon ang naagian ni Amit una niya nakuha ang gipangandoyng kampiyunato.
Adunay higayon nga gitangtang siya sa RP team unya kapila sab gyud siya napakyas sa mga torneyo apan inay mawad-an og paglaom, mas naningkamot pa siya aron mahashasan og maayo ang iyang abilidad.
Sa edad nga 13 nagsugod ang pagkahilig ni Amit sa billiards. Adunay higayon nga nihimo siya’g langas sa national ug international competitions.
Apan nihunong siya pagduwa human siya nigraduwar og Bachelor of Science in Accountancy sa University of the East sa Manila.
Nakatrabo siya sa call center apan wala magdugay, nakahukom si Amit nga tutokan pagbalik ang duwa nga iyang gikahiligan.
Sa iyang pagbalik, nikisaw dayon si Amit ug nakahipos siya’g duha la gold medals sa 2005 Southeast Asian Games.
Gikan niadto, padayon ang paningkamot ni Amit hangtod nga natuman gyud niya ang iyang dugay nang gipangandoy nga mahimong world champion. (Pooled Report)
