Anak sa police official gipusil sa 2 ka tawo
Monday, March 15, 2010
More Sections
ANAK sa opisyal sa kapolisan sa dakbayan sa Sugbo gipusil sa gidudahang sakop sa gang pasado alas 11 sa milabayng gabii sa B. Aranas extention, Barangay Duljo ning siyudad.
Ang samdan sa kilid sa ulo mao si Aldus Quevedo, 31, taga Sityo Laguna, Duljo, anak ni Senior Inspector Pablo Quevedo sa Cebu City Police Office (CCPO).
Have something to report? Tell us in text, photos or videos.
"The Manny Pacquiao Blog". Click here for stories and updates on the Filipino boxing champ.
Ang namusil mao ang usa sa duha ka mga batan-on nga nakaeskapo atol sa paggukod sa kapolisan.
Sa pasiuna nga imbestigasyon ni SPO4 Alex Dacua sa Homicide Section nagbutyag nga miuban ang biktima sa iyang higala nga si Ariel Sombilon sa maong dapit.
Nakita niya ang mga suspek nga kadudahan og linihokan ug nihana-hana kini ug bunot sa iyang kilid.
Hinungdan nga giduol kini sa biktima ug gisita ang mga suspek.
Kalit lang nibunot og armas ang usa sa batan-on ug nipusil sa biktima.
Usa ka PO1 Bernie Calderon nga anaa magpuyo sa dapit ang daling mi-responde, apan wa na niya maapsi ang mga suspek nga daling nakadagan palayo sa maong lugar.
Nasayran sa kapolisan nga di sakop sa gang o frat si Quevedo lakip na ang iyang higala nga si Sombilon, apan may posibilidad nga ang tuyo mao si Sombilon.
Gisubay pa karon sa kapolisan ang pagka tawo ni Sombilon aron masayran sa kapolisan kon unsay motibo sa pagpamusil.
Samtang si Quevedo daling gidala sa tambalanan ug luwas na sa delikado nga kahimtang. (JFT)
