Aquino, Nietes maghimamat
Monday, August 16, 2010
More Sections
INIG balik ni World Boxing Organization (WBO) minimumweight champion Donnie “Ahas” Nietes (27-1-3, 15KOs) sa nasod ugma, hayan makuha na gyud niya ang dakong atensyon nga taodtaod na sab niyang gihandom.
Sa labing unang higayon sulod sa manug-upat na niya ka mga tuig isip world champion, si Nietes gipatawag na gyud sa Malacañang aron mo-courtesy call kang Presidente Noynoy Aquino.
Have something to report? Tell us in text, photos or videos.
Updates on President Benigno Aquino III's presidency
Nagkanayon si Cebu boxing patron Antonio L. Aldeguer nga nalipay gyud kaayo siya’g maayo nga nahatagan na gyud og saktong pagtagad si Nietes.
Alang kang Aldeguer, makatabang gyud kini aron madugangan ang pagsalig sa kaugalingon sa lumad nga taga Murcia, Negros Occidental.
“I’m very happy. Ang Malacañang gyud ang nagpa-arrange ani sa GMA 7,” matod ni Aldeguer, kinsa nipabuhagay sa iyang dakong pagdayeg sa kaisog ug determinasyon ni Nietes.
Gipasabot ni Aldeguer nga sa malampusong depensa ni Nietes batok kang Mario “Dragoncito” Rodriguez niadtong Dominggo sa Sinaloa, Mexico, na-dehydrate na sab gyud si Nietes tungod sa ka grabe ka init sa panahon.
“It’s really hard for Nietes to win that fight kay grabe ang kainit didto karon, ma-dehydrate gyud ka unya high altitude pa gyud,” dugang ni Aldeguer.
Sa iyang kadaugan batok kang Rodriguez, si Nietes nakakulit og kasaysayan isip labing unang Pinoyng boksidor nga katulo milampos pagdepensa sa Mexico.
Unya nabutang na sab siya sa listahan sa Pinoyng mga boksidor nga dugayng naggunit og world title diin kauban niya sa tapok sila si Pancho Villa, Flash Elorde ug Luisito Espinosa.
Kini maoy ikaupat nga depensa ni Nietes sa korona nga iyang naangkon
Nagplano si Aldeguer nga karong Disyembre, iya na gyung ihatag kang Nietes ang dugay nang pangandoy niini – ang makadepensa sa korona atubangan sa iyang mga katagilungsod sa Bacolod City.
