NAPALGANG patay ang kanhi boxing champion nga si Alexis Arguello, usa sa pinakamaayong boksidor sa lightweight division sa tibuok kalibutan, sulod sa iyang panimalay sa Managua, Nicaragua.

Si Presidential spokeswoman Rosario Murillo mikompirmar sa kamatayon ni Arguello. Ang taho sa La Prensa newspaper nagkanayon nga si adunay samad pinusilan sa iyang dughan.

For updates from around the country, follow Sun.Star on Twitter

“We are upset,” matod ni Murillo, kinsa wa mohatag og dugang detalyi sa maong kamatayon. “This is a heartbreaking announcement. He was the champion of the poor, an example of forgiveness and reconciliation.”

Ang 57-anyos nga Arguello, kinsa napiling mayor sa Managua sa niaging tuig. Siya miretiro sa pamoksing human sa pipila ka higayon nga misuway pagbalik niadtong 1995 nga may record nga 82-8, 65 ka knockouts. Gianggaan og “The Explosive Thin Man,” si Arguello gi-induct sa International Boxing Hall of Fame sa 1992.

Sa 1999, ang Associated Press mihimo niyang best junior lightweight ug sixth-best lightweight sa 20th century.

Ang iyang ka-popular sa iyang nasod taas kaayo og pagsaka nga gani siya na mismo ang midala sa bandera sa Nicaragua niadtong 2008 nga Beijing Olympics, ug sa samang maoy nagbukas sa kaugalingon nga moserbisyo sa publiko.

Si Arguello niabot sa iyang nasod niadtong Dominggo gikan sa Puerto Rico diin iyang gipasidunggan si anghing baseball Hall of Famer Roberto Clemente. Ang iyang kamatayon maoy nakapaaghat ni Nicaragua President Daniel Ortega pagkanselar sa iyang byahi paingon unta sa Panama alang sa inugrasyon ni President-elect Ricardo Martinelli.

Si Arguello nag-professional niadtong 1968 ug napildi sa iyang unang away. Apan unom ka tuig ang milabay, mihinayhinay siya og kulit og pangalan sa dihang iyang gi-knockout ang umaabot nga Hall of Famer Ruben Olivares sa ika-13 ka round sa ilang WBA featherweight title fight.

Iya usab nga nalabni ang super featherweight title ug ang lightweight title ug sa iyang pagpasaka sa iyang timbang wa gyud siya makaangkon og kapildihan.

Niadtong higayona, siya maoy ikaunom nga boksidor nga nakakupot og tulo ka title sa tulo ka division ug gikonsiderar nga maoy best pound-for-pound fighter sa tibuok kalibutan.

Tinguha unta ni Arguello nga mahimong unang boksidor nga makahupot og mga titulo sa upat ka division hinungda nga mipasaka na usab siya sa iyang timbang niadtong Nobiyembre 1982 aron mosuway og labni sa korona ni junior welterweight king Aaron Pryor.

Sinaksihan sa 23,000 ka mga fans nga mihan-ok sa Orange Bowl sa Miami. Taliwala sa kulbahinam nga sinukliay sa kumo, si Arguello gi-knockout ni Pryor sa ika-14 nga round.

Sa ilang rematch, paglabay sa usa ka tuig, didto sa Caesars Palace sa Las Vegas, si Arguello giusban pag-knockout ni Pryor sa ika-10 ka round. Human sa away, iyang gipahibawo ang iyang pagretiro sa pamoksing.

Mibalik sa pagpamoksing niadtong 1985, si Arguello mipildi ni Pat Jefferson, ug midaog sa iyang laing away sa sunod tuig.

Wa na siya mobalik sa ring hangtod sa 1994, ug human mipukan og laing dili iladong kontra, si Arguello napildi ni Scott Walker niadtong 1995 ug miretiro sa katapusang higayon.