DAKO gyud ang imong utang kabubut-on sa mga Ampatuan kay ang tanan nimong lihok nunot sa yawan-on nga pagpatay sa mga journalists ug mga babayeng miyembro sa pamilyang Mangudadatu nagpakita sa usa ka presi-dente kansang mga kamot nakagapos.

Friends pa rin tayo, maoy imong men-sahe ngadto sa mga Ampatuan.

Naabtan og upat ka adlaw una nipakitag pag-aginod ang imong admi-nistrasyon may labot sa massacre. Kini human silabi sa media ug mga international organizations ang inyong sampot.

"The Manny Pacquiao Blog". Click here for stories and updates on the Filipino boxing champ.

Nigawas hinuon nga ang gobyerno maoy nagpakiluoy sa mga Ampatuan aron motahan. Strong Republic?

Giplano gyud tingali ninyo pag-ayo unsa na usab nga klasi sa sugilanon ang inyong idalit sa publiko. Nagtuo mo nga subling molampos ang inyong mga fiction writer ning higayona. Inyo tingali patuohon ang mga tawo nga nibangon si Fernando Poe, Jr., ug maoy nihimo sa krimen.

Apan wa kaayo makamemorya sa script ang imong mga tawo sama ni Secretary Jesus Dureza.

Ang maayong balita mao nga naglihok ang dili makita nga mga kamot sa Diyos. Human sa mas-sacre nakahinumdum ang daghan kanamo giunsa nimo pagtikas ang elek-syon sa 2004 diin ang imong kaatbang nga si FPJ gi-zero-han sa tulo ka mga lungsod, ug gi 12-0 ang oposisyon niadtong 2007. Hello Garci, nganong imo man sab gize-rohan?

Inyo ku-nuhay gipalag-pot sa inyong partido ang mga Ampatuan.

‘Waepek’ kay ang mga sama sa mga Ampatuan wa manginahanglan og partido, kamo ang nanginahanglan nila. Ang mahinungdanon best friends lang gihapon mo, dili ba?

Hinaot nga natandog ka sa makapalimbawot sa balhibo nga massacre. Hinaot nga sama sa kadaghanan gibati mo ang tumang kasuko dihang ikaw nasayod nga sa wa pa patya ang mga babayeng biktima, gipanamastamasan ug gihiwa-hiwa ang pribadong bahin sa ilang lawas.

Ning mosunod nga mga adlaw among masay-ran kon nibati ka sa gibati sa mga pamilya sa biktima ug sa mga kaubanang namo.

Hinaot nga imong pamatud-an nga nasayop ang imong mga kritiko, ug nga wa ka niawit ug “That’s what friends are for” uban ang mga Ampatuan. Apan imo lang kini mahimo kon imong tugtan nga molutaw ang hustisya ug imong patak-umon ang imong mga tigpamaba nga wa nay laing gihimo kon dili ang pagluwat ug mga pamahayag nga way hinungdan.

(birada_ruphil@yahoo.com)