IMO silang duha makita sa usa ka en-tablado, si Gibo ug si Gloria. Kini kon mahinayon ang gipalutaw karon sa mga kaalyado ni GMA: ang posibilidad nga modagan kini isip bise presidente ni Gibo Teodoro.

Kon teknikalidad ang hisgutan, hawan ang dan ug way babag sa iyang pagdagan tungod kay ang bugtong gidili sa balaod mao ang iyang pagpasubli sa iyang posisyon karon. Sa laktod, mahimo siyang modagan isip konsehal sa barangay, senador o bise presidente sa nasud.

Sun.Star accepts donations for victims of Typhoon Ondoy

Karon pa lang, ako na madungog ang ang mga pag-ampo ug panghinaot sa mga kaatbang ni Gibo ug ni GMA. Pag-ampo ug panghinaot nga modayon ug dagan ang presidente ni Virgilio Garcillano.

Diha sa pagdagan ni GMA, dili na kinahang-lang pahinumdoman sa mga kaat-bang ni Gibo ang mga ka-tawhan nga siya itoy o pa-hoy sa asawa ni Jose Pidal. Igo na nga ila iisa ang usag-usa nila nga kamot isip kandidato pagka presi-dente ug bise presidente. A picture paints a thousand words!

Diha sa pagdagan ni GMA, makompleto na unya ang cast sa sugilanon nga giuluhan ug Good versus Evil. Mas mabu-lukon ug kulbahinam!

Inig tingog pa lang daan ni GMA, makahi-numdum dayon ang mga tawo sa tingog sa ‘Hello, Garci... ang dagdag... ang dagdag.’ Inigsaad nila nga hatagan ug trabaho ang  mga Pi-lipino, dag-han unya ang manukot sa one million jobs per year nga gisaad sa administras-yon. Tuba-gon sa Gibo-GMA tandem ang siyam ka tuig nga way hunong nga pagpangawat sa panudlanan sa nasod, paglubag sa resulta sa eleksyon sa 2004, ug uban pa.

Dugay nang nangita ang administrasyon ug bise ni Gibo. Apan niba-libad ang tanan nilang giduol.

Kinsa man siya kinahanglang makatabang sa ubos nga popularidad sa standard bearer. Mao nga ilang gitintal ang usa ka crowd drawer (dugukon) nga si Vilma Santos. Unsay ikatabang ni GMA sa 4 percent rating ni Gibo wa ko masayod.

Apan kon sungugon gyud tas kapalaran unya modaug si GMA, ug dugang sungog nga dunay mahitabo sa modaug nga presidente, mora na gyud tag gisilutan ug gitunglo.

Apan inighuman unya sa adlaw, kita lang tanan gihapon – kitang haring lungsod – ang magbuot.

Kinsay nasayod?

Dili ba nga ang mga gaway ni Marcos ato mang gibalik sa gahom human nato sila palagputa?

Di ba nga human nato makita ang mga mansion ni Erap, ato man gipili isip senador si Loi ug Jinggoy? Onli in da Pilipins!

Ang gisalikway nga presidente, mag bise? Philippine style politics.

(birada_ ruphil@yahoo.com)