Balak: Kon mokisdom na ang langit

Saturday, March 13, 2010

Michael I. Eglesia
Garing, Consolacion, Cebu

Hain na, hain na
Ang kaanyag sa imong mga mata?
Ang matam-is mong huni
Maoy naglig-on sa akong pagbati.

Have something to report? Tell us in text, photos or videos.

"The Manny Pacquiao Blog". Click here for stories and updates on the Filipino boxing champ.

Ikaw ang bugtong binuhat sa akong galamhan
Uban sa saad ug gipanumpaan
Tungod kay saksi ang langit
Sa gugma tang hingpit.

Ang nalibkas tang saad ug panumpa
Atong gihalad kang Bathala
Sa dakong pagtuo ug tinguha
Nga mag-unong ta sa gugma.

Apan sa takulahaw
Kalit lang ikaw’ng nahanaw
Ang kaligdong sa atong mga panumpa
Daw gipadpad ug nawala.

Buot ko man ikaw’ng gunitan
Apan lain nay nagsandig sa imong dughan
Isipon ko na lang ikaw usa ka sakit nga damgo
Nga nasinati sa akong pagkatawo.

Iyahat ko na lang sa langit
Ang pangamuyo kong hingpit
Taliwala sa mga kasakit
Kon mokisdom na ang langit!