Barrita: Gahig dila ang mga Bisaya
Thursday, September 2, 2010
More Sections
ANG MGA Bisaya morag lampinig kansang balay natandog sa dihang niingon si 1969 Miss Universe Gloria Diaz nga maglisod pagsultig Iningles ug Tinagalog ang mga Cebuano. Ang Vice Mayor’s League of the Philippine (VLMP Cebu Chapter nideklarar sa kanhi beauty queen nga usa ka persona non grata. Samtang si Congresswoman Cutie del Mar nidiskurso didto sa Kongresso ug niawhag kang Gloria Diaz nga mangayog pasaylo sa mga Sugbuanon.
***
Have something to report? Tell us in text, photos or videos.
Igo lang nisugyot si Gloria Diaz nga ang atong contestants sa mga international beauty contests kinahanglan nga magdalag mga interpreter aron mas maayong motubag atol sa question and aswer portion. Matod niya, “Kasi when you think about a Cebuana, she can hardly speak English and of course Tagalog.”
Updates on President Benigno Aquino III's presidency
Tinuod bitaw nga gahig dila ang mga Bisaya, ma-Iningles man o Tinagalog. Sagdi lang, kon masipyat man gani ta sa pronunciation, segurado kong sakto ang atong spelling.
***
Si Cebu City Councilor Edgardo Labella niingon nga samtang “objectionable” ang pamahayag ni Diaz, way epekto ang pagdeklarar kaniya nga persona non grata tungod kay di man siya usa ka diplomat o langyaw.
Samtang si Vice Mayor Joy Augustus Young nga wa nay hinungdan ang awhag nga ipa-boycott ang mga salida ni Gloria Diaz kay wa na siyay mga salida. Nahuman na ang iyang panahon, matod niya. Unsa man, pahimoon una siyag salida aron maka-boycott ang mga Bisaya?
***
Apan sa dihang gi-interview si Gloria Diaz sa ABS-CBN, giklaro niya nga wa siya moingon nga di makamaong mo-Iningles ang mga Cebuano: “Let me clarify it once and for all. People should have the right to say or to answer questions in whatever language they want to say it in. If they’re Cebuanos, they can say it in Cebuano. I did not say that they (Cebuanos) did not speak English.”
Naa ra man diay na. Apan mas maayong paluyohan ang balaudnon ni Kongresista Eduardo Gullas sa unang distrito sa Sugbo nga magpalig-on sa paggamit sa Iningles sa mga eskuylahan.
***
Mahimo diay nga makapag kag away pinaagi sa pagpakita sa imong kamaayo. Sama ning maong hitabo. Si Cebu Gov. Gwen Garcia nihatag og P5 milyunes sa mga biktima sa sunog sa Barangay T. Padilla niadtong miaging buwan ug laing P5 milyunes kang Lahug Barangay Captain Mary Ann de los Santos aron sa pagpatukod og eskuylahan niadtong tuig 2007.
Samtang ang kagamhanan sa dakbayan sa Sugbo misaad nga mohatag og P500,000 kang Daanbantayan Mayor Maria Luisa Loot nga bag-ong gikabangi sa gobernador alang sa niaging Haladaya Festival.Sumala ni Gov. Gwen, nangitag away ang syudad samtang si kanhi mayor ug karon south district Rep. Tomas Osmeña niingon nga si Gov. Gwen maoy unang nangitag away sa iyang paghatag og P10 milyunes sa duha ka mga barangay sa syudad.
