NAG-ANAM na kasubsob ang propaganda sa mga politiko. Nagbansiwag ang ilang mga dagway sa mga pamantalaan ug mga tarpaulin ug pirmi natong makita sa telebisyon.

Ang uban kanila, gipatik ang ilang mga ngan sa mga basketball boards. Daghan ang niingon nga kini usa ka matang sa premature campaign. Pero matawag bang kampanya ang ilang gibuhat?

Sun.Star accepts donations for victims of Typhoon Ondoy

Sumala sa Section 80, Omnibus Election Code, “It shall be unlawful for any person, whether or not a voter or a candidate, or for any party, or association of persons, to engage in an election campaign or partisan political activity except during the campaign period.”

Klaro nga kampanya ang ilang gibuhat kay nagpail-aila sila sa mga tawo ug ang ilang tumong mao man nga magpapili sila sa umaabot nga piniliay.

Ang nakaparat, di sila mahimong tawgon nga kandidato hangtod nga maka-file na sila sa ilang certificate of candidacy. Ang usa ka kandidato gi-define sa Section 79 (a), Omnibus Election Code, nga “any persons aspiring for or seeking an elective public office, who has filed a certificate of candidacy by himself or through an accredited political party, aggroupment, or coalition of parties.”

Sa ato pa, samtang wa pa sila makasang-at sa ilang sertipiko de kandidatora, di pa sila mahimong tawgon nga kandidato. Kadtong kandidato nga makalapas sa lagda mahitungod sa kampanya mahimong ma-disqualify.

Sumala pa sa Section 68, Omnibus Elections Code, ang si bisan kinsang kandidato nga mapamatud-an sa Commission on Elections nga makalapas sa maong lagda “shall be disqualified from continuing as a candidate, or if he has been elected, from holding the office.”

Subay sa maong mga balaod, makaingon kita nga ang usa ka pribadong tawo nga mangampanya wa makahimog kalapasan sa balaod.

Sama da nga ang iyang gibuhat mao ang pag-exercise sa iyang kagawasan sa libreng pamahayag. Apan unsa man ang mahitabo kon ang maong pribadong tawo mosang-at unya sa iyang sertipiko de kandidatora? Sumala sa Korte Suprema, ang iyang gibuhat samtang di pa siya kandidato iya usab nga nahimo isip kandidato.

(Ang atong paghisgut-hisgot mahitungod sa balaud madungog na matag karon ug unya sa mga tampo nga dunay punto legal ngadto sa tulomanon nga “Alang Kanimo Kapuso” nga gisibya gikan sa ala-una ngadto sa alas dos sa hapon sa sibyaan DYSS Superadyo sa RGMA network.)

(Sa mga reaksyon kang Atty. Eddie O. Barrita: e-mail: edbarrita@yahoo.com, Cell No. 09165805285 o sa Room 201, 18 Cherry Court Bldg., Gen. Maxilom Ave., Cebu City, 233-4542)