Barrita: Statute of frauds

Wednesday, February 10, 2010

GINAINGON nga ang labing mubo nga lapis o ang labing hanap nga tinta mas maayo pa sa labing taas ug lantip nga memory o pangisip.

Mao kana ang prinsipyo nga gigamit sa mga peryodista sa wa pay tape recorder, wa pay video camera.

Have something to report? Tell us in text, photos or videos.

Click here for stories and updates on the Sinulog 2010 Festival.

Ang mahinungdanon nga ibutang gyud og usa ka kasulatan ang usa ka kasabutan kay tingali og makalimtan unya mao na hinuon ang sinugdan sa panaglalis.

Ang Article 1403 (2) sa Civil Code nag-ingon nga dunay mga kontrata nga kinahanglang ibutang sa usa kakasulatan ug pagapirmahan niadtong dunay obligasyon o ba kaha sa iyang ahente.

Kay kon di gani, ang maong kontrata di mahimong ipatuman ug ang ebidensya sa maong kasabutan di mahimong dawaton kon di ipresentar ang kasulatan ug ang secondary evidence bahin sa unod sa maong kasulatan.

Mao kini ang gitawag nga statute of frauds.

Nahilakip niini kadtong kasabutan nga pagabuhaton usa pa ka tuig gikan sa paghimo niini ug ang saad nga maoy motubag sa utang sa laing tawo.

Apil usab niini ang kasabutan nga may kalambigitan sa kaminyuon, gawas lang sa saad sa usag -usa nga magminyo. Nasayod na kita nga di ikapatuman ang kasabutan nga magminyo kay di man mapugos ang usa ka tawo sa pagpakasal.

Gawas pa, di nimo makiha ang usa ka tawo nga wa motuman sa iyang saad nga makigminyo kanimo. Usa sa mga mahinungdanong punto ning maong balaod mao ang kasabutan sa pagbaligyag usa ka butang kansang kantidad di momenos sa P500, gawas lang kon gi-deliver na ang maong butang o kaha gibayran na.

Lakip sab niini ang kasabutan sa pag-abang kansang tagal nga panahon molapas sa usa ka tuig  ingon man sa pagbaligyag usa ka luna sa yuta.

Apan sumala pa sa Korte Suprema, kining maong balaod alang lamang niadtong mga executory contracts kon mga kontrata nga ipatuman pa.

The statute of frauds applies only to executory contracts and not to those which are totally or partially performed. Performance, which must be proves, takes the contract out of the operation of the principle. (Victoriano v. CA, 194 SCRA 19, 1991).

Unsa man ang tumong sa maong balaod?

The purpose of the statute of frauds is to prevent fraud and perjury in the enforcement of obligations depending for their evidence on unassisted memory of witnesses by requiring certain enumerated contracts and transactions  to be evidenced by a writing signed by the party to be charged. It was not designed to further or perpetuate fraud. (Asia Production co., Inc. v. Pano, 205 SCRA, 458, 1992).

Sa ato pa, maoy tumong sa maong balaod nga ibutang sa kasulatan ang usa ka obligasyon aron di magsalig sa unsay atong mahinumduman bahin sa usa ka transaksyon.

(Ang atong paghisgut-hisgot mahitungod sa balaud madungog na matag karon ug unya sa mga tampo nga dunay punto legal ngadto sa tulomanon nga “Alang Kanimo Kapuso” nga gisibya gikan sa ala-una ngadto sa alas dos sa hapon sa sibyaan DYSS Superadyo sa RGMA network.)

(Sa mga reaksyon kang Atty. Eddie O. Barrita: E-mail: edbarrita@yahoo.com; Cell # 09165805285; Room 201, 18 Cherry Court Bldg., Gen. Maxilom Ave., Cebu City)