Barrita: Tubig

Sunday, March 21, 2010

DI masayon ang pagpangitag tubig karon nga ni-epekto na ang El Nino ug nagnihit na ang tubig ilabi na sa mga bukirang barangay sa lalawigan ug sa dakbayan sa Sugbo.

Mao nga bisan si Mayor Tommy Osmeña nidangop na sa usa ka psychic, sa 80-anyos nga si Choleng Legaspi, sa pagpatabang sa pagpangitag tubig bisan pag nabalaka siyang bugal-bugalan sa mga eksperto ug mgapropesyonal.

Have something to report? Tell us in text, photos or videos.

Click here for Election 2010 updates

Mag-unsa man kanang mga eksperto ug mga propesyonal kon di makakitagtinubdan sa tubig?

***

Matod pa ni Mayor Osmena, hugot ang iyang pagsalig kang Legaspi kay tanang dapit nga gitudlo sa giilang water diviner nga dunay tubig, napamatud-an nga duna gyuy tubod sa tubig.

“I cannot explain it but she’s blessed and I’m very happy that she’s helping us. She’s very accurate and I trust her 100 percent until shemakes a mistake,” matod pas mayor.

Sa ato pa, mobilib lang siya hangtod nga mapalpak ang psychic.

***

Kon molanat og dugay ang El Nino, hayan nga maapektohan bisan ang mga urban areas kon ang mga patag nga dapit sa dakbayan sa Sugbo ug sa ubang mga syudad ug kalungsoran sakop sa Metro Cebu.

Hangtod karon, di pa hingpit ang serbisyo sa Metro Cebu Water District (MCWD) sa mga kabalayan sa Metro Cebu.

Unsaon man, duna untay tinubdan sa tubig didto sa Luyang, Carmen nga din a kinahanglan pang pangitaon og usa ka water diviner perogibabagan ni Mayor Osmeña kay mahal ra ang presyo sa tubig sa
consortium nga mo-ugmad niini ug maoy modala sa tubig nganhi sa syudad sa Sugbo.

***

Naapektohan na sa huwaw ang mga pananom ug agkrikultura sa mga kalungsoran sa amihanang bahin sa lalawigan sa Sugbo.

Akong nahinabi ning bag-o lang si Compostela Vice Mayor Joel Quinoapan wa pa siyay nadawat nga reklamo sa mga mag-uuma sa iyang lungsod mahitungod sa kanihit sa tubig.

Manghinaot kita nga ang atong mga opisyales di lang magsigig pangitaasa ang tinubdan sa tubig, mananom usab silag mga kahoy nga maoy mopugong ug mopundo sa tubig sa atong mga watershed.

***

Usa sa mga opisyales nga nagpasiugda sa pagpananom og kahoy mao si Gobernador Gwen Garcia ug ang nakanindot kay nangka maoy iyang gipatanom.

Kon kahoy nga mobunga maoy itanom, tagsa ra kining putlon kay duna may prutas nga mapaabot di sama sa kahoy nga ordinary nga putlon kay himuong sugnod o gamiton sa pagtukod og balay. Laing opisyal nga naningkamot sa pagpanalipod sa kalikupan mao si Senador Loren Legarda, kandidato sa pagkasenador sa Nacionalista Party, nga kapin nas 20 anyos nga niawhag sa katawhan sa pagpananom ogmga kahoy.

Kon molampus ang ilang mga proyekto sa pagpananom og kahoy, di nakita mangihanglan unya og usa ka psychic sa pagpangitag tubig.