Barrita: Vote-buying?

Saturday, March 20, 2010

MAG-HIRE og 2,200 ka mga tinun-an ang kagamhanan sa dakbayan sa Sugbo ubos sa Special Program for the Employment of Students (Spes). Ubos ning maong programa, dunay income ang mga tinun-an panahon sa bakasyon aron inig abli sa klase, duna silay kwarta nga magamit inig eskuyla. Wa kitay problema niana. Bisan og 10,000 pa ka mga tinun-an basta makasugakod lang sa pagbayad ang kagamhanan sa dakbayan.

Click here for Election 2010 updates

Have something to report? Tell us in text, photos or videos.

***

Pero namatikdan sa oposisyon nga modaghan lang ang mga tinun-an nga patrabahoon sa syudad kon panahon sa eleksyon. Pananglit, sa tuig 2004 nga panahon sab sa eleksyon, 3,000 ka mga tinun-an ang gi-hire sa syudad. Nitidlom ni ngadto sa 300 ka mga tinun-an sa tuig 2007 ug 2008 ug nidoble ngadto sa 681 sa tuig 2009. Nindot unta kon kada tuig pang eleksyon aron daghang mga tinun-an ang makapahimulos niini.

***

Sumala pa ni Atan Guardo, kandidato sa pagkakongresista sa south district sa syudad sa Sugbo, usa kini ka paagi sa vote-buying sa iyang kaatbang, si Cebu City Mayor Tommy Osmeña. “Is there anybody out there whom the mayor has not doled out any money to, yet? He’s on a vote-buying spree. Everybody is in his shopping list. Kon wala ko modagan, dili gyud na mohatag og kwarta,” matod pa ni Guardo. Mayo ra gyud nga nidagan si Atan Guardo.

***

Labing tinuod, ang atong eleksyon karon nagpakita nga daghan diay og mahimo ang usa ka politiko. Gawas sa pag-hire ni Mayor Osmeña og 2,200 ka mga estudyante,  daan na siyang nipahayag nga iyang hatagan og P10,000 ang tanang tinun-an nga mogradwar sa mga public high schools sa syudad nga mokabat og 10,000 ug dugang P10,000 kon ang nigradwar tua sa mga bukirang barangay. Iya sab nga gihatagan og P4,000 ang mga senior citizens ug P2,000 ang mga person with disabilities. Samtang ang mga huwes, doblehon niya ang suweldo pinaagi sa pag-umento sa allowance gikan sa P5,000 ngadto sa labing menos P30,000. Pagkanindot gyud ning panahon sa eleksyon.

***

Manghinaut na lang kita nga ipadayon kini ni Vice Mayor Mike Rama kon siya na maoy mayor sa dakbayan sa Sugbo. Manghinaut sab ta nga di madiskaril ang pagkamayor ni Mike Rama kay morag nanuyo  si Mayor Osmeña sa iyang giluwatang pamahayag nga angdam siyang makigtambayayong kang Cebu Gov. Gwen Garcia kon kini gikinahanglan sa kalamboan sa Sugbo. “I’m getting chills down my spine. I’m very apprehensive because the way I read it, ‘for the good of Cebu,’ he will abandon the urban poor. Has the urban poor become expendable under the motherhood statement ‘for the good of Cebu?’ These people have nowhere to go,” matod pas mayor. Mike, ayaw intawon pasagdi ang atong mga kaigsuonang kabos sa dakbayan.