GIPAMATUD-AN ni Efren “Bata” Reyes nga aduna gyud gihapon siya’y ikabuga pinaagi sa pagbuntog kang Taiwanese superstar Chao Fong Pang, 50-42, sa milabayng gabii sa “Face Off Series 2: The Grandmasters” sa Club Capo Exclusive sa Tomas Morato, Quezon City.

Sa premirong adlaw sa kombati, naggukod ang 52 anyos nga gitawag sab og “The Magician”, 25-18, apan sa ikaduhang adlaw sa dinumbolay, nagpakalig-on si Reyes aron angkunon ang $10,000 nga ganti.

"The Manny Pacquiao Blog". Click here for stories and updates on the Filipino boxing champ.

Nagkanayon si Reyes, kinsa gikang naghari sa One Pocket division sa 2009 World Classic Galveston, nga naulian na gyud og sakto ang iyang pulso sa ikaduhang adlaw.

Sa ikaduhang adlaw, nakasagunson og 14 ka mga daog si Reyes nga maoy nag-abli sa iyang pultahan paingon sa kadaugan.

Ang kadaugan ni Reyes maoy nagsilbing mibawos sa kapildihan sa kababayang si Dennis Orcollo batok sab sa Taiwanese nga si Yang Ching Shun, 50-45, sa premirong edisyon sa kompetisyon nga sundan pa unya og laing mga panagpares.