Bata natuk-an sa chewing gum, patay

Thursday, April 29, 2010

NANGAHANAW sa usa ka pamilok ang maanindot kaayong mga damgo sa mga ginikanan sa usa ka 5-anyos nga batang lalake.

Kini human ang ilang anak namatay human matuk-i sa giusap niining chewing gum niadtong Lunes.

Have something to report? Tell us in text, photos or videos.

Gibasol sab sa pamilya ni Christian Margallo, taga Phase 3, Deca Homes, Brgy. Tungkil, Minglanilla ang usa ka ospital sa kagamhanan ug pribado sa kamatayon sa ilang anak.

Click here for Election 2010 updates

Nahanaw ang damgo sa mga ginikanan sa usa ka 5 anyos nilang batang lalake human mamatay sa tambalanan niadtong Lunes sa buntag gumikan kay natuk-an sa chewing gum.

Ang uyuan sa biktima nga si Kimper Sevilla nga gikahinabi sa Sun.Star Superbalita nagkanayon nga niadtong Biyernes nangayog kwarta sa iyang lolo abf bata aron mopalit og pagkaon sa silingang tindahan.

Apan inay pagkaon ang paliton sa biktima, ang “pintora gum ball” chewing gum na hinuon ang gipalit na niini ug giugom.

Dihang nabalik sa ilang balay, gitawag siya sa uyuan nga papaliton og shampoo.

Apan nabantayan sa uyuan nga dihang nidagan kini naglisod na sa pagginhawa.

Iyang gisusi sanglit di na makasulti kay mao diay natulon diay ang chewing gum ug hinuot sa tutunlan hinungdan nga nanawag siya mga apuhan niini aron ilang dad-on sa tambalanan.

Sa wa pa gidala ang bata sa tambalanan, gipainom kini og tubig sa lolo sa pamasin nga makatabang kini sa pagpalugsot sa chewing gum.

Ila sab nga gi-pump ang tiyan ug gidukdok sa uyuan ang tangkugo sa bata apan wa gihapon silay nahimo.

Pag-abot nila sa Minglanilla District Hospital ang biktima nanglagom na ug gibalibaran pa sa mga doktor kay way mga kahimanan.

Nakahukom sila nga adto na lang dad-on sa pribadong ospital sa pamasin nga masalbar pa ang bata.

Hinuon nakuha sa mga doktor sa pribadong ospital ang chewing gum.

Apan sa ilang kasagmuyo gisugat naman hinuon silag mas grabe pang problema gumikan kay di modawat ang tambalanan kon di sila maka down og P15,000.

Suma pa niini nga ang bata zero heart beat na niadtong higayuna.

Nunot niini, nakahukom sila nga dad-on na lang sa St. Vincent Hospital dinhi sa dakbayan sa Sugbo ug gibutang sa intensive care unit (ICU) ang bata, kinsa na-comatose sud sa tulo ka adlaw.

Niadtong Lunes sa alas 8:10 sa buntag namatay kini.

Ang inahang si Diosdada nasagmuyo sa Minglanilla District Hospital human gibalibaran kay way apparatus.

Nipadayag usab siyag pagmahay sa mga doctor sa pribadong ospital gumikan kay gipangayuan sila dakong down payment.

“Sus, Dong, buotan kaayo tong bataa. Bright to siya. Daghan kaayo tog plano. Naa na gani toy kanang Friendster man siguro na. Unya manghatag og number sa iyang lola aron kuno ka textmate niya,” matod ni Diosdado.

Naglaraw usab karon ang ilang pamilya nga mopasakag reklamo sa kompaniya sa chewing gum. (Joselito C. Manabat-UP Intern)