Bautista moaway na’g balik
Tuesday, March 16, 2010
More Sections
MOBALIK pag-away si ALA boy Rey “Boom-Boom” Bautista karong Abril 9 sa Dubai Tennis Arena, Dubai batok kang Thai Saichon Sotornpitak.
Si Bautista (27-2, 20KOs) niadto pa untang Pebrero gikatakdang moaway pagbalik apan wala kini nadayon human mibati siya’g sakit sa iyang kanhi angol sa wala nga pulso.
Have something to report? Tell us in text, photos or videos.
Ning higayuna, andam na ang lumad nga taga Candijay, Bohol aron makigbinukbokay og balik.
Click here for Election 2010 updates
Nagkanayon si Cebu boxing patron Antonio L. Aldeguer nga usa kini ka tune-up bout ni Bautista alang sa mas dakong tahas karong Hunyo.
“Boom-Boom is coming from an injury maong kinahanglan pa siya’g tune-up fight,” matod ni Aldeguer, kinsa nakigtambayayong sa KO Promotions, nga gidumala og Dubai-based nga mga Pinoy, alang sa pagpahigayon ning awaya.
Sa undercard sa promosyon, nga giulohan og Philippines vs. the Rest of the World, mopakita sab og aksyon sa stable-mates ni Bautista nga sila si Milan Melindo, Jason Pagara ug Larry Canillas.
Si Melindo modepensa sa iyang WBC Youth Inter-continental flyweight title batok kang Colombian Devis Perez.
Ikasangka ni Pagara si Kenyan John Gicharu samtang ikaharong ni Canillas si Fred Sayuni.
Posibleng moaway sab si Bobby Pacquiao sa promosyon.
