Bayot gitipi; gihug pa gyud sa bakilid
Monday, March 8, 2010
More Sections
GIINGONG bayot napalgang patay ug hubo kilid sa karsada sa lungsod sa Ginatilan, Sugbo.
Ang biktima nga adunay pito ka mga samad dinunggaban sa liog ug buko-buko gituohang gihug pa sa bakilid human patya.
Have something to report? Tell us in text, photos or videos.
"The Manny Pacquiao Blog". Click here for stories and updates on the Filipino boxing champ.
Ang kapulisan nagtuo nga posebling duha ka mga tawo ang nihimo sa kremin.
Si PO3 Neil Mansueto sa Ginatilan Police Station nga nahinabi sa Sun.Star Superbalita niila sa biktima nga si Richard Vilvistre, 36, giingong graduwado sa kursong Hotel and Restaurant Management (HRM) ug Education, taga barangay Montañeza, lungsod sa Malabuyoc.
Usa ka Clark Dequillo ang ni-report sa kapulisan nga adunay usa ka tawo nga nakit-an kilid sa karsada sa may sityo Upper Palanas, Barangay Cambu-o, bukirang barangay sa lungsod nga mga upat ka kilometro ang gilay-on gikan sa Barangay Poblacion.
Ang namatay giingong nagsul-ob pag senina apan wa nay karsones ug underwear samtang adunay pito ka mga samad sa liog ug bukobuko nga maoy nakaingon sa iyang hinanaling kamatayon.
Basi sa ilang imbestigasyon, ang biktima apil sa mga dancer nga gikan sa lungsod sa Malabuyoc nga ningsalmot sa kalihukan niadtong Dominggo sa gabii nunot sa ilang fiesta karong Dominggo.
Gipasabot ni PO3 Mansueto nga Dominggo sa gabii night sa mga senior citizen diin usa sa ilang mga programa mao ang gitawag og showtime.
Ang grupo sa biktima nisalmot sa kalihukan.
Human sa programa, ang biktima uban sa iyang mga higala nakit-an pang nag-inom sa boulevard duol sa baybayon.
Apan ang biktima giingong adunay gikasabot nga lalake ug niadto sa barangay Cambu-o.
“Wala siguro magkasinabot or unsa kaha kay na wala man ang iyang cell phone nga touch screen,”asoy ni PO3 Mansueto.
Sa gihimong follow-up operation sa kapulisan, ilang nakit-an ang karsones sa biktima nga gisunog na.
Nagtuo ang kapulisan sa Ginatilan nga human napatay ang biktima, gihulog lang usab kini gikan sa bukid hinungdan nga didto na makit-i kilid sa karsada.
Sila nagtuo nga posebling duha ka mga tawo ang ninghimo sa kremin samtang di taga didto ang resposabli kay base sa ilang nakuhang witness, di usab sila kabisado sa panagway sa mga suspek.
