Mga duwa karon:
5:00 pm. – Ginebra vs. San Miguel

ANG pagsumpay sa ilang impresibong kadaugan sa Game One mao karon ang tumong ug tuyo sa Barangay Ginebra sa dihang ila na usab ikasangka karong gabii ang San Miguel Beer sa Game Two sa Motolite PBA Fiesta Conference best-of-seven finals sa Araneta Coliseum.

Niadtong Miyerkules sa gabii, natagbaw gyud si coach Jong Uichico sa gipakita sa iyang mga batos human nila madominar ang Beermen ni coach Siot Tanqauincen, 102-96, alang sa 1-0 nga bintaha sa series.

For updates from around the country, follow Sun.Star on Twitter

“Naka-swerte. We shot pretty well at the start then our defense worked in the second half. Naka-sagot kami sa opensa ng San Miguel when they started to get streaks,” matod ni San Miguel coach Jong Uichico.”We like that situation na maka-una,” dugang ni Uichico.

Kon unsa man ang katagbawan nga naangkon ni Uichico, sukwahi ang nasinati ni San Miguel coach Tanquincen.

Giangkon ni Tanquincen nga di gyud sila preparado sa maong duwa hinungdan nga taas kaayo ang porsiyento sa Ginebra sa three-point area.

“We’re not mentally prepared to play this game. It’s not an excuse. Lahat lang talaga, from the coaches to the players, not prepared mentally,” nagkanayon ang nasagmuyo nga Tanquingcen.

Ang Ginebra sayong miarangkada ug nakaposte gilayon kini og 18 puntos pinaagi sa pagpangulo ni Jayjay Helterbrand uban nila ni Paul Artadi, Sunday Salvacion, Cyrus Baguio ug David Noel ug Ronald Tubid.

Nagmadaugon man tuod, apan alang ni coach Uichico nga taas pa sila og latason aron makuha gyud ang titulo.

Nagtuo si Uichico nga dakong adjustment ang himuon sa Beermen karong gabii ug kini maoy ilang gipangandaman.