BHWs, ubang mga brgy. worker gidayeg
Thursday, March 18, 2010
More Sections
ORDINARYONG mga kawani sa barangay gipasidunggan ni Gobernador Gwen Garcia kagahapon.
Giila sab sila nga mga unsung hero sa barangay..
Have something to report? Tell us in text, photos or videos.
Click here for Election 2010 updates
Kagahapon,gipahigayon sa Cebu International Convention Center ang usa ka asembliya sa mga barangay health worker, nutrition scholar, early childhood care and development ug barangay animal health aides sa Probinsya.
Atol sa seremonyas, pormal nga gidunol sa gobernador ngadto sa mga presidente sa kapunongan ang group accident insurance sa tanang mga sakop sa BHWs ug uban pa. Gidunol usab niya ang mga BP apparatus, stethoscope ug record book nga sagad gamiton sa mga barangay worker. Sa mensahe sa gobernador atubangan sa liboan ka mga tawo nga ningtambong, siya mapasalamaton sa mga serbisyo nga gihatag sa mga kawani nga miboluntaryo sa pagtabang sa katawhan diha sa ilang mga lugar.
Mapasigarbuhong gipahibawo sa gobernador nga ang mga BHW ug ubang barangay workers nga maoy sekreto niya nga hinagiban nga nakab-ot ang kalampusan sa pagserbisyo niya sa katawhan sa tibuok lalawigan.
“Ang akong serbisyo paingon sa pinaka-ubos sa barangay akong napaabot tungod kaninyo,” matod sa gobernador sa iyang pagpakigpulong.
